نیتن یاھو کے ہاتھ میں بھی آخر کار موبائل

?️ 21 جون 2021

سچ خبریں:سابق اسرائیلی وزیر اعظم جو موبائل فون رکھنے پر یقین نہیں رکھتے تھے ،کو 12 سالوں میں پہلی بار موبائل فون کے ساتھ دیکھا گیا ہے۔
عبرانی زبان کے اخبار اسرائیل ہیوم نے خبر دی ہے کہ سابق اسرائیلی وزیر اعظم بنیامین نیتن یاہو جو 12 سال وزیر اعظم رہنے کے دوران موبائل فون کے استعمال پر یقین نہیں رکھتے تھے ، کو پہلی بار جدید موبائل فون رکھتے ہوئے دیکھا گیا تھا،اخبار نے لکھا کہ بہت سالوں سے نیتن یاھو اسرائیل میں شاید وہ واحد شخص تھے جن کے پاس سیل فون نہیں تھا۔

اسرائیل ہیوم نے مزید لکھا ہے کہ سابق وزیر اعظم کو اب ایک نئے ذاتی اسمارٹ فون پر فخر ہے اورجیسا کہ توقع کی جارہی ہے کہ نتن یاہو کا نیا موبائل بہت ہی کم لوگوں کے پاس ہے،رپورٹ کے مطابق نیتن یاہو کے دوستوں کا کہنا ہے کہ انھوں نے آخری بار 2009 میں سیل فون لیا تھا۔

قابل ذکرہے کہ 2014 میں نیتن یاھو نے ان لوگوں کو خطاب کرتے ہوئے، جنہوں نے انٹرویو کرنے سے پہلے ان کی تصویر کشی کی تھی، کہاکہ میں نئی دنیا کو نہیں سمجھتا ، ہر کوئی تصاویر لے رہا ہے، یہ لوگ زندگی کے باقی کام کب کرتے ہیں؟ تصاویر نہ لو اور زندگی سے لطف اٹھاؤ ،میں زندگی کے مزے لیتا ہوں، تصاویر نہیں بناتا ہوں۔ میں آزاد انسان ہوں جبکہ آپ اپنے آلات کے غلام ہیں۔