صنعاء میں یمنی عوام کا تاریخی مارچ؛غزہ سے یکجہتی، امریکہ و اسرائیل کے خلاف نعرے

سچ خبریں:یمن کے دارالحکومت صنعاء میں ہزاروں افراد نے غزہ سے اظہارِ یکجہتی کے لیے عظیم الشان ریلی نکالی، امریکہ اور اسرائیل کے خلاف نعرے لگائے اور فلسطین کی حمایت کا اعادہ کیا۔ شرکاء نے عرب و اسلامی دنیا سے عملی اقدامات اور امریکی و اسرائیلی کمپنیوں کے بائیکاٹ کا مطالبہ کیا۔

المسیرہ نیوز چینل کی رپورٹ کے مطابق، یمن کے دارالحکومت صنعاء کے السبعین اسکوائر میں آج ہزاروں یمنی شہریوں نے غزہ کی حمایت میں ایک عظیم الشان ریلی نکالی، جس میں شرکاء نے امریکہ اور اسرائیل کے خلاف بھرپور نعرے بازی کی۔

یہ بھی پڑھیں: غزہ اور لبنان میں ہولناک صیہونی جرائم پر انصار اللہ کا ردعمل

ریلی کے شرکاء نے ایک بار پھر فلسطین کے مسئلے کی حمایت اور صہیونی-امریکی منصوبے کے خلاف اتحاد پر زور دیا۔ انہوں نے فلسطین اور یمن کے پرچم بلند کیے اور غزہ کے حق میں بھرپور نعرے لگائے۔

شرکاء نے واضح طور پر "امریکہ مردہ باد” اور "اسرائیل مردہ باد” کے فلک شگاف نعرے لگائے اور عرب و اسلامی دنیا سے مطالبہ کیا کہ وہ فلسطینی عوام کے لیے اپنی ذمہ داریاں نبھائیں۔ اس کے ساتھ ہی امریکی اور اسرائیلی کمپنیوں کے مکمل بائیکاٹ پر بھی زور دیا گیا۔

مزید پڑھیں: لاکھوں یمنیوں کا مارچ؛ ایرانی حملے کی حمایت

ریلی کے شرکاء نے میدان عمل میں یکجہتی اور اتحاد پر بھی زور دیتے ہوئے فلسطین کاز کی حمایت کو اپنی اولین ترجیح قرار دیا۔