یمنی مسلح افواج کا امریکی ڈرون MQ-9 کو مار گرانے کا اعلان

🗓️ 1 جنوری 2025

سچ خبریں:یمنی مسلح افواج نے ایک بیان میں اعلان کیا ہے کہ انہوں نے امریکی ڈرون MQ-9 کو یمن کی فضائی حدود میں مار گرایا ہے۔

المسیرہ نیوز چینل کی رپورٹ کے مطابق یمنی افواج کے ترجمان یحیی سریع نے امریکی ڈرون MQ-9 کو مار گرانے کا اعلان کرتے ہوئے کہا کہ یہ کارروائی یمنی افواج کی جانب سے ملکی ساختہ زمین سے فضا میں مار کرنے والے میزائل کے ذریعے کی گئی، جس کے نتیجے میں ڈرون مأرب کے پانیوں میں گر گیا۔

یہ بھی پڑھیں: یمنیوں کے ہاتھوں صیہونیوں کی نیندیں حرام

بیان کے مطابق، گزشتہ 72 گھنٹوں کے دوران یہ دوسرا اور "فتح موعود” اور غزہ کی حمایت میں شروع ہونے والی مہم کے آغاز سے اب تک 14واں امریکی ڈرون ہے جسے تباہ کیا گیا ہے۔

یمنی افواج نے عزم ظاہر کیا ہے کہ غزہ کی جنگ بند ہونے اور علاقے کا محاصرہ ختم ہونے تک وہ فلسطینی عوام کی حمایت میں اپنی کارروائیاں جاری رکھیں گے۔

مقامی ذرائع نے بتایا کہ گزشتہ رات شمالی یمن کی فضائی حدود میں ایک جدید امریکی ڈرون MQ-9 کو یمنی افواج نے نشانہ بنا کر گرایا۔

مزید پڑھیں: بن گوریون ایئرپورٹ، مقبوضہ قدس کا پاور پلانٹ اور امریکی بحری جہاز؛ یمنی میزائلوں کے نئے نشانے

واضح رہے کہ یہ پہلا موقع نہیں ہے کہ یمنی افواج نے امریکی ڈرونز یا جنگی طیاروں کو نشانہ بنایا ہو، اس سے قبل بھی یمنی ذرائع نے امریکی نیوی کے ایک F-18 جنگی طیارے کو مار گرانے کی اطلاع دی تھی، تاہم امریکہ نے اسے اپنی ہی افواج کی غلطی کا نتیجہ قرار دیا تھا۔