ترکی کا روس یوکرین جنگ کے بارے میں اظہار خیال

سچ خبریں:ترکی کے وزیر خارجہ ہاکان فیدان نے روس اور یوکرین کے نمائندہ وفود کے اجلاس کے آغاز پر کہا ہے کہ ماسکو-کییف مذاکرات کا بنیادی مقصد جنگ بندی تک رسائی حاصل کرنا ہے۔

اسپوٹنک نیوز ایجنسی کی رپورٹ کے مطابق ترکی کے وزیر خارجہ  ہاکان فیدان نے استنبول میں جاری مذاکراتی عمل کے آغاز میں کہا کہ ترکی دونوں فریقین کے درمیان طے پانے والے کسی بھی معاہدے کے تحت اپنی ذمہ داریاں نبھانے کے لیے تیار ہے۔

یہ بھی پڑھیں: پینٹاگون کی نظر میں یوکرین کی جنگ کیسے ختم ہوگی؟

انہوں نے مزید کہا کہ ہمیں خوشی ہے کہ عالمی برادری نے روس اور یوکرین کے درمیان ماضی کے دو مذاکراتی دور کے نتائج کو سنجیدگی سے لیا ہے، اگر یوکرین میں آتش‌بس پر اتفاق ہو جائے تو ترکی نہ صرف اس کی نگرانی کر سکتا ہے بلکہ قیدیوں کے تبادلے کے عمل میں بھی فعال کردار ادا کر سکتا ہے۔

مزید پڑھیں: یوکرین میں جنگ کا خاتمہ ہونا چاہیئے: جرمن

فیدان نے اپنی گفتگو کے اختتام پر واضح کیا کہ اس مذاکراتی عمل کا آخری اور حتمی ہدف صرف اور صرف جنگ کا خاتمہ اور دیرپا جنگ بندی کا قیام ہے۔