دنیا

ٹرمپ کی اردن کو داعش اور شام جیسے انجام کی دھمکی !

22
فروری

?️ 22 فروری 2025

سچ خبریں:ایک سیاسی ذریعے نے انکشاف کیا ہے کہ امریکی صدر ڈونلڈ ٹرمپ نے اردن کے بادشاہ کے ساتھ ملاقات میں انہیں داعش اور شام جیسے انجام کی دھمکی دی۔

المعلومہ نیوز ایجنسی کی رپورٹ کے مطابق ایک سیاسی ذریعے نے بتایا کہ ڈونلڈ ٹرمپ نے اردن کے بادشاہ عبداللہ دوم کے ساتھ ایک میٹنگ کے دوران انہیں اقتدار سے ہٹانے کی دھمکی دی۔

یہ بھی پڑھیں: فلسطینیوں کی نقل مکانی کے بارے میں ٹرمپ کے بیان پر اردن کا سخت ردعمل

رپورٹ کے مطابق، ٹرمپ نے دھمکی دی کہ وہ اردن کے بادشاہ کے بھائی حمزہ کو اقتدار میں لائیں گے کیونکہ وہ فلسطینی مہاجرین کو اردن میں قبول کرنے کے امریکی مطالبے کو ماننے کے لیے تیار ہیں۔

ٹرمپ کی ایک اور دھمکی یہ تھی کہ وہ اردن میں داعش جیسے عناصر کو داخل کر کے ملک میں انتشار پھیلائیں گے، جیسا کہ شام میں ہوا تھا۔ ٹرمپ نے یہ بھی کہا کہ اخوان المسلمین اردن میں اقتدار سنبھالنے کے لیے تیار ہیں۔

قابل ذکر ہے کہ اردن اور خطے کے دیگر ممالک کے حکام نے ٹرمپ کے غزہ پٹی کو خالی کرنے اور اس کے باشندوں کو ان ممالک میں منتقل کرنے کے گستاخانہ منصوبے کی مخالفت کی ہے۔

Short Link

Copied