نہیں معلوم نتین یاہو قیدیوں کے تبادلے کے معاہدے پر دستخط کر سکیں گے یا نہیں:ٹرمپ 

سچ خبریں:امریکی صدر ڈونلڈ ٹرمپ نے کہا ہے کہ وہ نہیں جانتے کہ اسرائیلی وزیر اعظم نتین یاہو غزہ میں قیدیوں کے تبادلے کے معاہدے پر دستخط کر سکیں گے یا نہیں،ٹرمپ نے امید ظاہر کی کہ یہ معاملہ جلد واضح ہو جائے گا۔

الجزیرہ نیوز چینل اور صیہونی اخبار ٹائمز آف اسرائیل کی رپورٹ کے مطابق امریکی صدر ڈونلڈ ٹرمپ نے کہا ہے کہ وہ اس بات سے لاعلم ہیں کہ صیہونی وزیر اعظم بن یامین نتین یاہو غزہ میں قیدیوں کے تبادلے کے معاہدے پر دستخط کر سکیں گے یا نہیں۔

 ٹرمپ نے کہا کہ مجھے نہیں معلوم نتین یاہو یہ معاہدہ کر پائیں گے یا نہیں، لیکن جلد ہی ہمیں اس کا پتہ چل جائے گا۔

ٹرمپ نے مزید کہا کہ غزہ میں قید افراد اچھی حالت میں نہیں ہیں، کچھ کی حالت دوسروں سے بہتر ہے اور یہ اس بات پر منحصر ہے کہ وہ کہاں قید ہیں۔

مزید پڑھیں: نیتن یاہو کو اسرائیل کے بجائے اپنے مفادات کی فکر ہے:صیہونی سیاستدان

انہوں نے اس بات پر بھی زور دیا کہ امریکہ، اسرائیل کے ساتھ قیدیوں کی رہائی کے لیے تعاون کرے گا۔