شیر بلی بن گیا؛ صیہونی فوجی تجزیہ کار کا طنز

?️ 8 اپریل 2026

سچ خبریں:صیہونی فوجی تجزیہ کار آوی اشکنازی نے ایران کے مقابلے میں امریکہ کی پسپائی پر سخت تنقید کرتے ہوئے کہا کہ صیہونی آپریشن کا شیر آخرکار بلی کی میاؤں میں بدل گیا اور اس جنگ کا واحد فاتح ایران ہے۔

صیہونی فوجی تجزیہ کار نے ایران کے مقابلے میں امریکہ کی پسپائی پر سخت تنقید کرتے ہوئے کہا ہے کہ صیہونی آپریشن کا شیر آخرکار بلی میں تبدیل ہو گیا۔

المسیرہ کے مطابق صہیونی تجزیہ کار آوی اشکنازی نے اعتراف کیا کہ غرش شیر نامی صیہونی جارحانہ آپریشن، نیتن یاہو اور ٹرمپ کے ایران کے خلاف منصوبوں کے ناکام ہونے کے بعد بلیوں کی میاؤں میں تبدیل ہو گیا ہے۔

انہوں نے مزید کہا کہ ایران نے جنگ کا آخری حملہ کیا اور 41 دن گزرنے کے باوجود اب بھی حملے کرنے کی صلاحیت رکھتا ہے۔ ان کے بقول اس جنگ کا صرف ایک ہی فاتح ہے اور وہ ایران ہے۔

آوی اشکنازی نے یہ بھی کہا کہ آبنائے ہرمز تہران کے لیے آمدنی کے ایک بڑے ذریعے کی حیثیت اختیار کر چکی ہے۔

ادھر صہیونی ذرائع ابلاغ نے بھی اس حکومت کے حکام کے حوالے سے رپورٹ کیا ہے کہ لبنان میں جنگ بندی کی خبر تل ابیب کے لیے انتہائی بری خبر ہے۔

رپورٹ کے مطابق گزشتہ رات پیش آنے والے واقعات کو 7 اکتوبر کی شکست کے بعد اس حکومت کی نام نہاد تاریخ کی سب سے بڑی شکست قرار دیا جا رہا ہے۔

اس سے قبل صہیونی اخبار معاریو بھی اعتراف کر چکا ہے کہ اس میدان کا واحد فاتح ایران ہے۔