اسرائیل جانے والی بین الاقوامی پروازوں کی معطلی میں توسیع

سچ خبریں:یمنی فوج کی دھمکیوں اور اسرائیل میں سیکیورٹی بحران کے باعث اسرائیل کے لیے پروازیں معطل کرنے والی بھارتی اور اطالوی ایئرلائنز سمیت کئی بین الاقوامی فضائی کمپنیوں نے جون و جولائی تک پراوازیں معطل رکھنے کا فیصلہ کیا ہے جس پر صہیونی حکومت میں گہری تشویش پائی جا رہی ہے۔

یہ بھی پڑھیں:تل ابیب کے بن گورین ہوائی اڈے پر بم دریافت

صہیونی میڈیا نے اطلاع دی ہے کہ اسرائیل کے لیے بین الاقوامی پروازوں کی معطلی کا سلسلہ تاحال جاری ہے اور اس میں مزید توسیع کر دی گئی ہے۔

الجزیرہ نیوز چینل کی رپورٹ کے مطابق، بھارتی ایئرلائن ایئر انڈیا نے اسرائیل کے لیے اپنی پروازوں کی معطلی کو جون کے آخر اواخر جون تک بڑھا دیا ہے۔

اسی طرح اطالوی ایئرلائن ITA ایئرویز نے بھی اعلان کیا ہے کہ وہ اپنی پروازوں کو 6 جولائی تک اسرائیل کے لیے معطل رکھے گی۔

یہ اقدام ایسے وقت میں سامنے آیا ہے مطابق 31 مئی کو اسرائیلی ریڈیو و ٹیلیویژن چینل کان نے اعتراف کیا کہ اگرچہ صہیونی حکومت غیر ملکی ایئرلائنز پر سیاسی دباؤ ڈالنے کی کوشش کر رہی ہے، تاہم ان کمپنیوں کی جانب سے پروازوں کی معطلی کا سلسلہ بدستور جاری ہے۔

اس میڈیا ادارے نے مزید خبردار کیا کہ اسرائیل کے لیے پروازوں کی منسوخی کا بحران جلدی حل ہونے والا نہیں، اور اس کے سیکیورٹی اور سیاسی حلقوں میں گہری تشویش پائی جاتی ہے۔

بین الاقوامی پروازوں کی یہ معطلی اُس وقت شدت اختیار کر گئی جب یمنی مسلح افواج کے ترجمان یحیی سریع نے 4 مئی کو ایک باضابطہ بیان میں تمام بین الاقوامی فضائی کمپنیوں کو خبردار کیا کہ وہ اسرائیل کے زیر قبضہ علاقوں کی طرف پرواز کرنے سے گریز کریں۔

یمن کی فوج نے فضائی کمپنیوں سے مطالبہ کیا کہ وہ اس بیان کو سنجیدگی سے لیں، کیونکہ اس کا مقصد مسافروں اور ہوائی جہازوں کی سلامتی کو یقینی بنانا ہے،بیان میں زور دیا گیا تھا کہ تمام پروازیں اسرائیلی زیر انتظام ہوائی اڈوں کے لیے منسوخ کر دی جائیں۔

مزید پڑھیں:الاقصیٰ طوفان کے اسرائیلی سیاحت پر اثرات

یمنی بیان کے اختتام پر واضح کیا گیا تھا کہ یمن کسی بھی صورت میں اسرائیل کو لبنان، شام یا کسی اور عرب ملک پر جارحیت جاری رکھنے کی اجازت نہیں دے گا اور ایسے حالات پیدا نہیں ہونے دے گا جن سے اسرائیل اپنی جارحانہ کارروائیوں کو جائز سمجھنے لگے۔