تل ابیب کے بن گورین ہوائی اڈے پر بم دریافت

?️ 1 جون 2023

سچ خبریں:تل ابیب کے بن گورین ہوائی اڈے کی سکیورٹی فورسز نے اس ہوائی اڈے پر ایک بم کی دریافت کا اعلان کیا۔

صیہونی سکیورٹی فورسز نے لد شہر کے مضافات میں اور تل ابیب سے 15 کلومیٹر جنوب مشرق میں واقع اس حکومت کے سب سے بڑے بین الاقوامی ہوائی اڈے بن گورین میں ایک بم کی دریافت کا اعلان کیا۔

صہیونی اخبار Yediot Aharonot نے بدھ کی شام بن گورین ہوائی اڈے پر ایک بم کی دریافت کا اعلان کرتے ہوئے لکھا ہے کہ ہوائی اڈے کی سکیورٹی فورسز اس بم کو دریافت کرنے میں کامیاب ہو گئیں، جسے اڈے پر موجود ایک کار کے اندر نصب کیا گیا تھا۔

اس رپورٹ کے مطابق اس واقعے کا ائرپورٹ کی سرگرمیوں اور پروازوں کے وقت پر کوئی اثر نہیں پڑا ،تاہم یئرپورٹ کے اندر کار پارکنگ کا صرف ایک حصہ بند کرنا پڑا۔

اخبار نے مزید لکھا کہ یہ ایک مجرمانہ فعل لگتا ہے کیونکہ کہا جاتا ہے کہ اس کی وجہ دو مجرموں کے درمیان تنازع تھا،یاد رہے کہ صیہونی گورنمنٹ انسپکٹر متان یاہو اینجلمین نے اس سے پہلے بن گورین بین الاقوامی ہوائی اڈے پر حفاظتی خلاء کے بارے میں خبردار کیا اور دعویٰ کیا کہ یہ خلا مقبوضہ فلسطین اور باہر کے دہشت گرد مجرموں کو اسرائیل میں داخل ہونے کے لیے موقع فراہم کرتے ہیں۔

قابل ذکر ہے کہ اس سلسلہ میں پیش کی جانے والی رپورٹ کے کچھ حصے شائع کیے گئے ہیں اور کچھ کو خفیہ قرار دے کر صیہونی حکومت کے ذمہ دار حکام تک پہنچا دیا گیا ہے۔