صہیونی حملوں میں شہید ہونے والے صحافیوں اعداد وشمار

?️ 18 اکتوبر 2025

سچ خبریں:کمیٹی برائے تحفظِ صحافی نے انکشاف کیا کہ 7 اکتوبر 2023 سے اب تک مشرق وسطی میں 95 فیصد صحافیوں کی شہادتوں کی ذمہ داری صیہونی افواج پر عائد ہوتی ہے؛ صرف غزہ میں 255 صحافی شہید ہوئے ہیں، جن میں صالح الجعفراوی بھی شامل ہیں۔

کمیٹی برائے تحفظِ صحافی نے انکشاف کیا کہ 7 اکتوبر 2023 سے اب تک مشرق وسطی میں 95 فیصد صحافیوں کی شہادتوں کی ذمہ داری صیہونی افواج پر عائد ہوتی ہے۔

یہ بھی پڑھیں: 2000 سے اب تک صیہونیوں کے ہاتھوں 46 فلسطینی صحافیوں کی شہادت

روسیہ الیوم کے مطابق، کمیٹی نے اپنے بیان میں کہا کہ اسرائیل کے بار بار صحافیوں پر حملے بین الاقوامی انسانی قوانین کی صریح خلاف ورزی ہیں۔ کمیٹی نے اس حکومت سے مطالبہ کیا کہ وہ اپنے ان جرائم کے لیے جواب دہ ہو جو اس نے میڈیا اہلکاروں کے خلاف انجام دیے ہیں۔

ادارے نے مزید کہا کہ اسرائیل کو چاہیے کہ وہ بین الاقوامی میڈیا کے نمائندوں کو غزہ میں داخلے کی اجازت دے تاکہ وہ وہاں کے حالات کو آزادانہ اور غیر جانب دارانہ طور پر رپورٹ پیش کر سکیں۔

علاقائی اعداد و شمار کے مطابق، صیہونی حملوں کے نتیجے میں یمن میں 31، لبنان میں 6، اور ایران میں 3 صحافی شہید ہوئے ہیں۔

ادھر غزہ کے سرکاری دفترِ اطلاعات نے منگل کے روز صحافی صالح الجعفراوی کی شہادت کے بعد اعلان کیا کہ 7 اکتوبر 2023 سے اب تک نوارِ غزہ میں شہید ہونے والے صحافیوں کی تعداد 255 تک پہنچ گئی ہے۔

مزید پڑھیں:غزہ میں شہداء کے اجسام کا پگھلنا؛ غیرروایتی ہتھیاروں کا استعمال

دفترِ اطلاعاتِ غزہ نے اسرائیل کے جانب سے فلسطینی صحافیوں پر کیے جانے والے منصوبہ بند حملوں کی شدید مذمت کی ہے اور بین الاقوامی اداروں سے مطالبہ کیا ہے کہ وہ ان اقدامات کی واضح مذمت اور قانونی کارروائی کو یقینی بنائیں۔