دہشت گرد ریاست اسرائیل کے افریقی یونین میں شمولیت کے خلاف متعدد ممالک نے اہم قدم اٹھالیا

?️ 1 اگست 2021

الجزائر (سچ خبریں) دہشت گرد ریاست اسرائیل کے افریقی یونین میں شمولیت کے خلاف متعدد ممالک نے اہم قدم اٹھاتے اقائدہ قانونی کارروائی کا آغاز کر دیا ہے جبکہ اس جدوجہد کا مقصد افریقی یونین کے اصولی اتحاد اور عرب فلسطینی مملکت کی حمایت پر مبنی موقف کی حفاظت ہے۔

عرب ای مجلے رأی اليوم نے الجزائری چینل الواقع سے نقل کرتے ہوئے لکھا ہے کہ الجزائر نے افریقی اتحاد میں غاصب صیہونی ریاست کی شمولیت کے خاتمے کے لئے باقائدہ قانونی کارروائی کا آغاز کر دیا ہے جبکہ اس جدوجہد کا مقصد افریقی یونین کے اصولی اتحاد اور عرب فلسطینی مملکت کی حمایت پر مبنی موقف کی حفاظت ہے۔

رپورٹ کے مطابق الجزائرکے اس اتحاد میں اب تک جنوبی افریقہ، تیونس، اریٹیریا، سینیگال، تنزانیہ، نائیجر، جزائر کومور، گیبون، نائجیریا، زمبابوے، لائبیریا اور سیشلز نے شمولیت کا اعلان کیا ہے جبکہ الجزائرحکام کا کہنا ہے کہ ان کی سفارتکاری کے بل بوتے پر مزید افریقی ممالک کی جانب سے بھی اس اتحاد میں شمولیت کی توقع ہے۔

رپورٹ کے مطابق الجزائر کے وزیر خارجہ رمطانے لامامرہ نے اس حوالے سے خبرنگاروں کے ساتھ گفتگو میں کہا ہے کہ أفريقی یونین نے غاصب صیہونی ریاست کو رکنیت دینے کا اقدام اپنے اراکین کے مشورے کے بغیر انجام دیا ہے جبکہ الجزائر اس غير قانونی اقدام کے مقابلے میں ہاتھ پر ہاتھ رکھے بیٹھا نہیں رہے گا۔

انہوں نے کہا کہ یہ سفارتی کوششیں درحقیقت افریقی اتحاد میں غاصب صیہونی ریاست کی غیر قانونی شمولیت کا ردعمل ہے جبکہ اس مقصد کے حصول کے لئے تل ابیب کے سفارتکاروں نے سالہا سال سے سر دھنا ہے۔

الجزائر کے وزیر خارجہ نے تاکید کی کہ غاصب صیہونی رژیم کو قبل ازیں بھی افریقی اتحاد کی تنظیم میں عبوری رکنیت حاصل تھی جسے سال 2002ء میں ختم کر دیا گیا تھا اور اس کے بعد افریقی اتحاد نے اس تنظیم کی جگہ لے لی۔

رأی اليوم نے لکھا کہ رمطانے لامامرہ عنقریب ہی شروع ہونے والے تیونس، ایتھوپیا، سوڈان اور مصر کے اپنے دوروں کے دوران بھی افریقی اتحاد میں اسرائیلی شمولیت پر مزید سفارتکاری انجام دیں گے۔