سچ خبریں: یورونیوز نے اطلاع دی ہے کہ فرانس نے پیرس میں اگلے ماہ ہونے والی اولمپک کی افتتاحی تقریب کی تیاری کے لئے سکیورٹی تدابیر کو سخت کر دیا ہے۔
یورونیوز کی ویب سائٹ کے مطابق، 26 جولائی کو پیرس میں ہونے والی اولمپک کی افتتاحی تقریب میں فوجی ہیلی کاپٹر گشت کریں گے اور فضائی حدود کی حفاظت کریں گے اس لیے کہ یہ تقریب ایک سنگین سکیورٹی چیلنج ہے۔
یہ بھی پڑھیں: پیرس اولمپکس میں صیہونی حکومت کی شرکت کو محدود کرنے کا مطالبہ
اولمپک 2024 پیرس کی افتتاحی تقریب پہلی بار ایک بند مقام کے باہر، دریا سن اور اس کے آس پاس منعقد ہوگی۔
تقریباً 200 ممالک کی اولمپک ٹیمیں دریائے سن میں 80 سے زائد کشتیوں کے جلوس میں شامل ہوں گی، یہ تقریب 6 کلومیٹر طویل راستے پر منعقد ہوگی۔
اس رپورٹ کے مطابق دریائے سن میں منصوبہ بند 6 کلومیٹر طویل کشتی رانی کا راستہ، اس منفرد تقریب کی کھلی فضاء میں ہونے اور ممکنہ خطرات کا سامنا کرنے کے بارے میں بحث کا مرکزی موضوع بن چکا ہے۔
اسی دوران، اولمپک کی افتتاحی تقریب کی سکیورٹی کو یقینی بنانا پیرس حکومت کے سب سے بڑے چیلنجوں میں سے ایک ہے۔
فرانسیسی حکومت کے فیصلے کے مطابق سکیورٹی خدشات کے باعث، سیاحوں کو افتتاحی تقریب دیکھنے کے لئے مفت رسائی نہیں دی جائے گی۔
پیرس کے پولیس چیف وران نونزنے کہا کہ جو بھی شخص تقریب کے دنوں میں یا اسی دن اس علاقے میں داخل ہونا چاہتا ہے، اسے پہلے سے آن لائن رجسٹریشن کرنی ہوگی تاکہ فرد کا پس منظر چیک کیا جا سکے۔
مزید پڑھیں: کیا ماسکو میں دہشت گردانہ حملے کے بعد اولمپکس کی افتتاحی تقریب منسوخ ہو جائے گی؟!
سکیورٹی خدشات کے باعث پہلے بھی فرانس کے صدر ایمانوئل میکرون نے اپریل میں اعلان کیا تھا کہ اگر خطرے کی سطح بہت زیادہ ہو تو افتتاحی تقریب اسٹیڈ ڈی فرانس” میں منتقل کی جا سکتی ہے، تاہم اب تک اولمپک کی افتتاحی تقریب کے لئے کوئی متبادل جگہ مقرر نہیں کی گئی ہے۔
