فلسطین کے بارے میں سعودی عرب کا تازہ ترین موقف

🗓️ 5 اکتوبر 2024

سچ خبریں: سعودی عرب کے وزیر خارجہ، فیصل بن فرحان نے ایک کالم میں اس ملک کے ولی عہد محمد بن سلمان کی جانب سے فلسطینی ریاست کی تشکیل کو سعودی عرب کی اولین ترجیح قرار دینے پر زور دیا ہے۔

العربیہ نیوز چینل کی رپورٹ کے مطابق برطانوی اخبار فائنینشل ٹائمز میں شائع ہونے والے اپنے کالم میں سعودی عرب کے وزیر خارجہ فیصل بن فرحان نے کہا کہ اس ملک کے ولی عہد محمد بن سلمان نے اس بات پر زور دیا ہے کہ سعودی عرب کے لیے فلسطینی ریاست کا قیام اولین ترجیح ہے۔

یہ بھی پڑھیں: ریاض اور صیہونی حکومت کے تعلقات کا فلسطینی ریاست کی تشکیل پر کوئی اثر نہیں

سعودی وزیر خارجہ نے مزید کہا کہ ولی عہد نے اس بات پر زور دیا ہے کہ خطے میں تشدد کا دائرہ کار بند ہونا چاہیے، انہوں نے خبردار کیا کہ قابو سے باہر بڑھتی ہوئی کشیدگی ایک بڑے پیمانے کی جنگ کا آغاز ہو سکتی ہے۔

بن فرحان نے اپنے کالم میں واضح کیا کہ سعودی عرب فلسطینی ریاست کے قیام سے قبل اسرائیل کے ساتھ کوئی سفارتی تعلقات قائم نہیں کرے گا۔

مزید پڑھیں: کیا یورپی ممالک فلسطینی ریاست کا قیام چاہتے ہیں؟ آئرلینڈ کے وزیر خارجہ کی زبانی

انہوں نے یہ بھی کہا کہ سعودی عرب مشرقی یروشلم کے دارالحکومت پر مبنی فلسطینی ریاست کی تشکیل کے لیے کوششیں کر رہا ہے اور اسرائیل کے جرائم نیز بین الاقوامی قوانین کی خلاف ورزیوں کی بارہا مذمت کر چکا ہے۔