سلمان رشدی پر حملہ کرنے والے نوجوان کو 25 سال قید کی سزا

سچ خبریں:نیویارک کی عدالت نے سلمان رشدی پر حملہ کرنے والے ہادی مطر کو 25 سال قید کی سزا سنائی ہے۔ ہادی مطر نے 2022 میں مشہور مصنف سلمان رشدی کو ایک تقریب کے دوران چاقو مار کر زخمی کر دیا تھا۔

اسکائی نیوز کی رپورٹ کے مطابق نیویارک کی ایک عدالت نے 2022 میں معروف مصنف اور اسلام مخالف کتاب "آیات شیطانی” کے مصنف سلمان رشدی پر چاقو سے حملہ کرنے والے ہادی مطر کو 25 سال قید کی سزا سنا دی ہے۔

یہ بھی پڑھیں:سلمان رشدی پر حملہ کرنے والے کے بارے میں

رپورٹ کے مطابق، 27 سالہ ہادی مطر نے نیویارک کے چاتاکوا انسٹی ٹیوٹ میں ایک عوامی تقریب کے دوران سلمان رشدی پر چاقو سے حملہ کیا تھا، جس میں سلمان رشدی شدید زخمی ہو گئے تھے۔ اس حملے میں سلمان رشدی کے جگر اور ایک ہاتھ کو بھی نقصان پہنچا تھا۔

عدالتی ذرائع کے مطابق، گزشتہ فروری میں جیوری نے ہادی مطر کو اقدام قتل اور حملہ کے الزام میں مجرم قرار دیا تھا۔ آج عدالت نے اسے 25 سال قید کی سزا سنائی۔

مزید پڑھیں:سلمان رشدی پر حملہ کرنے والا کہاں کا ہے؟

واضح رہے کہ سلمان رشدی اسلام اور پیغمبر اسلامؐ کے خلاف گستاخانہ کتاب آیات شیطانی کے مصنف ہیں، جس پر دنیا بھر میں شدید احتجاج ہوا تھا۔