دنیا

پوپ فرانسیس کے گردوں میں پرابلم؛ حالت نازک

24
فروری

🗓️ 24 فروری 2025

سچ خبریں:ویٹی کن نے پوپ فرانسیس کی حالت کے بارے میں تازہ ترین معلومات فراہم کی ہیں، جن کے جسمانی حالات اب بھی سنگین ہیں۔

پوپ فرانسیس روم کے ایک اسپتال میں ۱۴ فروری سے زیر علاج ہیں، وہ متعدد سنگین طبی مسائل کا سامنا کر رہے ہیں، جن میں گردے کی خرابی اور رگوں میں انفکشن شامل ہیں۔

یہ بھی پڑھیں: لبنان کشیدگی کے بارے میں پوپ فرانسس کا بیان

ویٹی کن کے مطابق، پوپ فرانسیس، جو اس وقت رگوں کے شدید انفیکشن اور متعدد بیماری کا شکار ہیں، کی حالت میں استحکام آنا شروع ہو چکا ہے، تاہم ان کے جسمانی حالات بدستور پیچیدہ ہیں۔

ایک ہفتے سے زیادہ وقت تک اسپتال میں رہنے کے بعد، پوپ فرانسیس نے سانس لینے میں مشکلات کا سامنا کیا، لیکن اب ان کی سانس کی حالت بہتر ہو چکی ہے، حالانکہ انہیں ابھی تک آکسیجن کی مدد کی ضرورت ہے۔

یاد رہے کہ پوپ کو گردے کی خرابی بھی لاحق ہوئی ہے، جو ابتدائی اور معمولی نوعیت کی ہے، لیکن ویٹی کن نے اس پر تشویش کا اعلان کیا ہے اور ڈاکٹرز کا کہنا ہے کہ اس معاملے پر مکمل قابو پایا جا رہا ہے۔

پوپ فرانسیس کو ۲ یونٹ خون بھی دیا گیئا ہے کیونکہ ان میں خون کی اور پلیٹلیٹس کی کمی کے مسائل ہیں۔

پوپ فرانسیس کی حالت کی وجہ سے، ڈاکٹروں کا خیال ہے کہ اگر انفیکشن خون میں منتقل ہو جائے تو ان کی صحت میں مزید پیچیدگیاں پیدا ہو سکتی ہیں، اور جسمانی ردعمل بھی سنگین ہو سکتا ہے۔

تاہم اس وقت ڈاکٹرز ان کی حالت کو مستحکم کرنے کے لیے بھرپور کوششیں کر رہے ہیں۔

ویٹی کن نے ان کی حالت کو بدستور سنگین لیکن قابو میں قرار دیا ہے، جس سے ظاہر ہوتا ہے کہ پوپ فرانسیس کی زندگی کے لیے خطرہ موجود ہے، اور ان کی حالت میں بہتری آنے تک ان کی صحت کی نگرانی جاری رکھی جائے گی۔

Short Link

Copied