سعودی عرب کے ساتھ تعلقات کو اگلے سال حتمی شکل دی جائے گی:صیہونی عہدہ دار

?️ 13 دسمبر 2022

سچ خبریں:صیہونی کنیسٹ کے ایک رکن نے پیش گوئی کی ہے کہ تل ابیب اور ریاض کے درمیان تعلقات کو معمول پر لانے کا عمل اگلے سال آخری مرحلے میں پہنچ جائے گا۔

صیہونی کنیسٹ کے رکن اور اقوام متحدہ میں صیہونی حکومت کے سابق نمائندے ڈینی ڈینن نے ٹائمز آف اسرائیل کے ساتھ ایک انٹرویو میں کہا کہ وزیراعظم بننے کے بعد، بنجمن نیتن یاہو عرب ممالک کے ساتھ معاہدوں کی ترقی کو اپنی ترجیحات میں رکھیں گے۔

انہوں نے واضح کیا کہ سب سے اہم عرب ممالک جن کے ساتھ اسرائیل تعلقات قائم کرنا چاہتا ہے سعودی عرب ہے نیزان تعلقات کو مثبت قرار دیتے ہوئے سعودی عرب نے اعلان کیا ہے کہ وہ اسرائیل کے تمام تجارتی طیاروں کے لیے اپنا آسمان کھول دے گا،کنیسٹ ممبر نے مزید کہا کہ اسرائیلی حکام کی مشاورت کے مطابق، امید ہے کہ ہم اگلے سال دونوں فریقوں کے درمیان اس سلسلہ میں معاہدہ ہو جائے گا۔

نیتن یاہو کی لیکوڈ پارٹی کے رکن ڈینن نے مزید کہا کہ نیتن یاہو کا پہلا دورہ ابوظہبی کا ہو گا اور ہمیں امید ہے کہ ریاض ان کی اگلی منزل ہو گی، انہوں نے اس بات پر زور دیا کہ ابھی سعودی عرب کے ساتھ تعلقات پوشیدہ ہیں اور انہیں عام کرنے کے لیے صرف وقت کی ضرورت ہے۔

واضح رہے کہ اس سے قبل صیہونی حکومت کے 24 ٹی وی چینل نے اپنی ایک رپورٹ میں اعلان کیا تھا کہ ریاض اسرائیل کے ساتھ تعلقات کو معمول پر لانے کے لیے تیار ہے نیز اسرائیل کے ساتھ تعلقات کو مکمل طور پر معمول پر لانے میں زیادہ وقت باقی نہیں ہے،اس سے قبل سعودی وزیر خارجہ عادل الجبیر نے امریکیوں کے ساتھ ملاقات میں کہا تھا کہ سعودی اسرائیل تعلقات معمول کی طرف بڑھ رہے ہیں، لیکن اس میں کچھ وقت لگے گا۔