لاس اینجلس میں 50 ہزار سے زائد مزدوروں کی ہڑتال، عوامی خدمات مفلوج

سچ خبریں:لاس اینجلس میں 50 ہزار سے زائد عوامی شعبے کے مزدوروں نے نئی لیبر ڈیل پر ناکام مذاکرات کے بعد ہڑتال کر دی ہے، جس سے شہر کی سرکاری خدمات جیسے صحت، صفائی اور پارکس کا نظام درہم برہم ہو گیا ہے۔

روسیا الیوم کی رپورٹ کے مطابق، امریکہ کے شہر لاس اینجلس میں 50 ہزار سے زائد مزدوروں نے پیر کی سہ پہر سے بڑے پیمانے پر ہڑتال شروع کر دی ہے۔

یہ بھی پڑھیں: امریکہ کو محمکہ ریلوے میں ہڑتال کے خوفناک معاشی اثرات کا خدشہ

رپورٹ کے مطابق، عوامی شعبے کے مزدوروں کی یونین نے اعلان کیا ہے کہ یہ ہڑتال اس وقت شروع ہوئی جب مارچ میں پرانا معاہدہ ختم ہونے کے بعد نئے معاہدے پر مذاکرات ناکام ہو گئے۔

اس یونین کے 55 ہزار سے زائد ارکان ہیں جو مختلف شعبوں میں کام کرتے ہیں، جن میں صحت عامہ، پارکوں کا انتظام اور صفائی کی خدمات شامل ہیں، یونین کا کہنا ہے کہ یہ پہلا موقع ہے جب تمام ارکان نے اجتماعی طور پر ہڑتال کی ہے۔

یونین کے ایک عہدیدار نے کہا کہ یہ مزدور ماضی میں لاس اینجلس کو درپیش بڑے بحرانوں جیسے شدید آتشزدگیوں اور صحت و سماجی بحرانوں میں فرنٹ لائن پر خدمات انجام دیتے رہے ہیں۔

مزید پڑھیں: برطانوی ڈاکٹر کیوں ہڑتالیں کر رہے ہیں؟

اطلاعات کے مطابق، یہ ہڑتال بدھ کی شام تک جاری رہے گی۔ اس دوران، سرکاری دفاتر، بعض صحت مراکز اور مختلف سروسز معطل رہیں گی، جس سے شہر کی عمومی زندگی بری طرح متاثر ہو رہی ہے۔