زلنسکی کی تحقیر سے سبق سیکھو؛انصاراللہ کا سعودی حکام سے خطاب

زلنسکی کی تحقیر سے سبق سیکھو؛انصاراللہ کا سعودی حکام سے خطاب

🗓️

سچ خبریں:یمنی مزاحمتی تحریک انصاراللہ کے ایک سینئر رہنما نے سعودی حکام کو متنبہ کیا ہے کہ وہ وائٹ ہاؤس میں ولودیمیر زلنسکی کی توہین سبق حاصل کریں اور امریکہ پر اندھا اعتماد کرنے سے باز رہیں۔  

یمن نیوز کی رپورٹ کے مطابق یمنی مزاحمتی تحریک انصاراللہ کے سیاسی دفتر کے رکن محمد فرح نے ایکس (سابقہ ٹوئٹر) پر اپنے پیغام میں لکھا کہ آپ نے دیکھا کہ امریکہ نے اپنے سب سے وفادار اتحادی، یوکرین کے صدر زلنسکی، کے ساتھ کیسا سلوک کیا؟ وہ ایک یہودی عنصر تھا اور پھر بھی واشنگٹن نے اس کے ساتھ اتحاد توڑ دیا، سعودی عرب کے پاس کیا ضمانت ہے کہ اس کے اربوں ڈالر کے اثاثے، جو امریکی بینکوں میں رکھے گئے ہیں، محفوظ رہیں گے؟
انہوں نے مزید کہا کہ کیا آپ کو یقین ہے کہ امریکہ آپ کا ساتھ نہیں چھوڑے گا؟ کیا وہ آپ کے اقدامات کی مذمت نہیں کرے گا، جیسے اس نے یوکرین کے ساتھ کیا؟ جب وہ اپنے قریبی اتحادیوں کو تحقیر اور توہین کا نشانہ بنا سکتا ہے تو عربوں اور مسلمانوں کے ساتھ کیا کرے گا جن سے وہ فطری طور پر نفرت کرتا ہے؟
یاد رہے کہ یہ بیان ایسے وقت میں سامنے آیا ہے جب ایک ماہ قبل سعودی ولی عہد محمد بن سلمان نے ڈونلڈ ٹرمپ سے ٹیلی فونک گفتگو میں آئندہ چار سالوں میں امریکہ کے ساتھ تجارتی تعاون کو وسعت دینے کے عزم کا اظہار کیا تھا۔
بن سلمان نے 600 ارب ڈالر یا اس سے زائد سرمایہ کاری کا عندیہ دیا تھا۔ یہ اعلان اس کے بعد کیا گیا جب ٹرمپ نے کہا تھا کہ اگر ریاض 500 ارب ڈالر کی خریداری پر رضامند ہو جائے تو وہ ممکنہ طور پر سعودی عرب کو اپنی پہلی خارجہ سفری منزل بنا سکتے ہیں، جیسا کہ انہوں نے اپنی پہلی صدارتی مدت میں کیا تھا۔
ڈونلڈ ٹرمپ کے پہلے دورِ حکومت میں بھی سعودی عرب ان کا پہلا غیر ملکی دورہ تھا اور اس دوران 400 ارب ڈالر کے سرمایہ کاری معاہدے کیے گئے تھے لیکن انصاراللہ کا مؤقف ہے کہ امریکہ کسی بھی وقت اپنے مفادات کے مطابق اپنے اتحادیوں کو دھوکہ دے سکتا ہے، زلنسکی کی مثال اس کا سب سے تازہ ثبوت ہے۔

مشہور خبریں۔

مسجد الاقصی پر صیہونی حملہ 152 فلسطینی زخمی

🗓️ 15 اپریل 2022سچ خبریں:  عسکریت پسند صیہونیوں نے آج جمعہ کی صبح مسجد الاقصی

پاکستانی مصنوعات کی اسرائیلی مارکیٹس میں فروخت کی خبروں پر دفتر خارجہ کی وضاحت

🗓️ 2 اپریل 2023اسلام آباد: (سچ خبریں) دفتر خارجہ  نے پاکستانی مصنوعات کی اسرائیلی مارکیٹس

ملک عبداللہ ائربیس کے کمانڈر پر کیا گذری

🗓️ 10 مارچ 2021سچ خبریں:میڈیا رپورٹس کے مطابق سعودی عرب کے شاہ عبد اللہ ایئر

اعظم سواتی کے استعفی کی مانگ بے تکی بات ہے

🗓️ 7 جون 2021اسلام آباد(سچ خبریں) وفاقی وزیر اطلاعات و نشریات چوہدری فواد حسین نے

امریکا اور یورپی ممالک کے دباؤ سے پاک چین تعلقات تبدیل نہیں ہوں گے: وزیراعظم

🗓️ 30 جون 2021اسلام آباد(سچ خبریں) وزیراعظم عمران خان کا کہنا ہے کہ امریکا اور

یہاں انسانوں سے زیادہ ہتھیار ہیں!

🗓️ 16 دسمبر 2021سچ خبریں:امریکہ میں معاشرے میں آزادی کے بہانے ہتھیاروں کی آزادی ان

بھارتی دہشت گرد فوج نے محاصرے کے دوران 7 خواتین سمیت 323 کشمیریوں کو شہید کیا

🗓️ 27 مارچ 2021سرینگر (سچ خبریں) بھارتی کی جانب سے مقبوضہ کشمیر کے محاصرے کے

سوڈان میں ختم نہ ہونے والی خانہ جنگی

🗓️ 18 ستمبر 2023سچ خبریں: سوڈانی ذرائع نے خرطوم میں محمد حمدان دقلو جسے حمدتی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے