غزہ شہداء کے تازہ ترین اعداد و شمار

سچ خبریں:غزہ میں اسرائیلی حملوں کے شہداء کی تعداد 56 ہزار 331 تک پہنچ گئی

فلسطینی وزارت صحت کے مطابق، اسرائیلی جارحیت کے نتیجے میں غزہ میں شہداء کی تعداد 56331 جبکہ زخمیوں کی تعداد 132632 ہو چکی ہے۔ ہزاروں افراد اب بھی ملبے تلے دبے ہوئے ہیں،فلسطین کی وزارت صحت نے اعلان کیا ہے کہ غزہ کی پٹی پر صہیونی ریاست کے فوجی حملوں کے نتیجے میں شہداء کی مجموعی تعداد 56 ہزار 331 تک پہنچ چکی ہے۔

یہ بھی پڑھیں: غزہ کے 12 ہسپتالوں کا کام بند، شہداء غزہ کی تعداد 5500

فلسطینی خبررساں ادارے شہاب کے مطابق، غزہ میں وزارت صحت نے ایک تازہ بیان جاری کرتے ہوئے 7 اکتوبر 2023 سے اب تک اسرائیلی افواج کے حملوں کے نتیجے میں شہید اور زخمی ہونے والے افراد کی تازہ ترین تفصیلات پیش کیں۔

وزارت صحت کے مطابق 7 اکتوبر 2023 سے اب تک غزہ میں جاری اسرائیلی حملوں کے نتیجے میں 56331 افراد شہید ہو چکے ہیں،اس کے ساتھ ہی وزارت نے واضح کیا کہ ان حملوں میں زخمی ہونے والوں کی تعداد 132632 تک جا پہنچی ہے،مزید یہ کہ گزشتہ 24 گھنٹوں کے دوران 72 شہداء کی لاشیں اسپتال منتقل کی گئیں،اسی مدت میں 174 افراد زخمی بھی ہوئے ہیں۔

مزید پڑھیں: غزہ میں مسلسل قتل عام،شہدا کی تعداد کتنی ہو چکی ہے؟

وزارت صحت کے مطابق 18 مارچ 2025 سے شروع ہونے والی اسرائیلی جارحیت کی نئی لہر میں 6003 فلسطینی شہید جبکہ 20591 افراد زخمی ہو چکے ہیں،اس دلخراش صورت حال کے باوجود، وزارت صحت نے یہ بھی بتایا کہ ہزاروں افراد اب بھی غزہ میں لاپتہ ہیں یا ملبے تلے دبے ہوئے ہیں، جن کی تلاش جاری ہے۔