نیتن یاہو کے بیٹے کی نظر میں صیہونی ریاست میں کیسی جمہوریت ہے؟

?️ 12 نومبر 2024

سچ خبریں:صیہونی وزیراعظم بنیامین نیتن یاہو کے بیٹے یائیر نیتن یاہو نے اپنے والد کے دفتر میں جاری سیکیورٹی تحقیقات پر سخت ردعمل کا اظہار کرتے ہوئے اسرائیلی فوج اور سیکیورٹی اداروں کو کڑی تنقید کا نشانہ بنایا اور اسرائیل کو ریپبلک آف بنانا قرار دیا۔

الجزیرہ نیوز چینل کی رپورٹ کے مطابق، صہیونی روزنامہ یدیعوت احرونٹ نے یائیر نیتن یاہو کے شدید بیانات شائع کیے، جس میں ان کا کہنا تھا کہ اسرائیل کے پاس اب کوئی فوج نہیں اور یہ ملک 60 کی دہائی کی جنوبی امریکہ کی بنانا ریپبلکس جیسا بن چکا ہے۔

یہ بھی پڑھیں: حزب اللہ کے میزائلوں سے نیتن یاہو کے بیٹے کی شادی ملتوی 

یائیر نے ان سیکیورٹی تحقیقات کو کودتا سے تعبیر کرتے ہوئے شاباک پر الزام لگایا کہ وہ اسرائیلی افسران کے ساتھ اس سے بھی زیادہ سخت رویہ اپنائے ہوئے ہے جو مزاحمت کاروں کے ساتھ اختیار کیا جاتا ہے۔

یائیر نیتن یاہونے ان تحقیقات کو جھوٹ اور فریب قرار دیتے ہوئے کہا کہ اس کا مقصد سیکیورٹی سربراہان کے درمیان 7 اکتوبر کی رات ہونے والی گفتگو کو چھپانا ہے۔

مزید پڑھیں: نیتن یاہو کے بیٹے کی سالگرہ کا کیک کا نیا انداز

انہوں نے شاباک کے سربراہ رونین بار پر الزام عائد کیا کہ طوفان الاقصیٰ آپریشن کو جان بوجھ کر ناکام بنایا گیا تاکہ کابینہ کو مورد الزام ٹھہرایا جا سکے۔