شام میں شدید مسلح جھڑپیں، سویدا کے مضافات میں بھاری ہتھیاروں کا استعمال

?️ 4 مئی 2026

سچ خبریں:شام کے شہر سویدا کے مغربی مضافات میں داخلی سیکیورٹی عناصر اور مسلح گروپوں کے درمیان شدید لڑائی ہوئی، جس میں بھاری ہتھیاروں اور مارٹر گولوں کا استعمال کیا گیا۔

میڈیا رپورٹس کے مطابق شام کے شہر سویدا کے مضافات میں شدید مسلح جھڑپیں ہوئی ہیں۔

المیادین نیوز چینل کی رپورٹ کے مطابق عینی شاہدین نے بتایا کہ جولانی حکومت کے داخلی سیکیورٹی عناصر اور مسلح افراد کے درمیان سویدا کے مغربی مضافات میں پرتشدد جھڑپیں ہوئی ہیں۔

ان جھڑپوں میں بھاری ہتھیاروں اور مارٹر گولوں کا بھی استعمال کیا گیا ہے۔

شام کے ہیومن رائٹس واچ نے اعلان کیا کہ جولانی حکومت کے عناصر اور مذکورہ مسلح افراد سویدا کے قریب ولغا، المنصورہ اور اس کے آس پاس کے دیہاتوں کے محوروں پر آپس میں بھڑک گئے۔

واضح رہے کہ بشار الاسد کی حکومت کے خاتمے اور جولانی حکومت کے برسراقتدار آنے کے بعد سے شام کے مختلف علاقوں میں فوجی جھڑپیں جاری ہیں جبکہ صیہونی حکومت نے اس ملک کے بنیادی ڈھانچہ کو تباہ کرتے ہوئے کئی حصوں پر قبضہ کر لیا ہے تاہم اس کے مقابلے میں جولانی حکومت نے ایک گولی بھی نہیں چلائی بلکہ صیہونیوں کے ساتھ دوستی کا راگ الاپ رہی ہے۔