صیہونی وزارتِ جنگ کی خفیہ کمپنی پر سائبر حملہ؛ حساس عسکری منصوبے منظر عام پر

?️ 26 اکتوبر 2025

سچ خبریں:الجبهة الإسناد السیبرانیة سائبر گروپ نے صیہونی وزارتِ جنگ کی خفیہ کمپنی مایا کو ہیک کر کے آئرن بیم لیزر دفاعی نظام، ہرمس 900 ڈرون، اسپائیک میزائل اور دیگر فوجی منصوبوں کی خفیہ معلومات افشا کر دی ہیں۔

ہیکرز کے ایک گروپ الجبهة الإسناد السیبرانیة صیہونی وزارتِ جنگ کی ایک انتہائی خفیہ اور بظاہر نجی کمپنی مایا سے حساس معلومات چُرا کر منظرِ عام پر لے آیا ہے۔

اس گروپ نے اعلان کیا ہے کہ اس نے کمپنی کے سسٹم میں گھس کر اہم عسکری منصوبوں جیسے لیزری دفاعی نظام آئرن بیم (Iron Beam)، کثیرالمقاصد ڈرون ہرمس 900 (Hermes 900)، اسپائیک میزائل (Spike Missile) اور دیگر زیرِ تعمیر فوجی سازوسامان کے ڈیزائن اور ترقیاتی معلومات حاصل کر لی ہیں۔

یہ بھی پڑھیں:اسرائیل کا دفاعی نظام کیسے مفلوج ہوا؟ / صہیونی رژیم کے خلاف وسیع سائبر حملے کی تفصیلات

ذرائع کے مطابق، کمپنی مایا وزارتِ دفاعِ اسرائیل کی تکنیکی و صنعتی بازو کے طور پر کام کرتی ہے اور دفاعی صنعتوں البیت سسٹمز (Elbit Systems) اور رافائل (Rafael) کے لیے تحقیقی و تکنیکی خدمات فراہم کرتی ہے۔

یہ انکشاف ایک تین منٹ کے ویڈیو کلپ کے ذریعے کیا گیا، جو اس گروپ نے اپنے ٹیلیگرام چینل [https://t.me/CyberIsnaadFront1](https://t.me/CyberIsnaadFront1)

پر شائع کیا۔

ویڈیو میں کمپنی کے اندرونی سیکیورٹی کیمروں کی فوٹیج، ورکشاپس، اور اسرائیلی عسکری سازوسامان کی تیاری کے مختلف مراحل دکھائے گئے ہیں۔

مزید پڑھیں:ایرانی میزائلوں سے اسرائیل کا دفاعی نظام کو نقصان

گروپ الجبهة الإسناد السیبرانیة نے مزید اعلان کیا ہے کہ وہ جلد ہی مایا کمپنی کے خفیہ دستاویزات، تصاویر اور دیگر ثبوت بھی جاری کرے گا، جن سے صیہونی وزارتِ جنگ کے خفیہ منصوبوں کے مزید پہلو بے نقاب ہوں گے۔