غزہ والوں نے اسرائیل نواز عرب حکومتوں کو بے نقاب کر دیا:عرب تجزیہ کار

سچ خبریں:عرب دفاعی تجزیہ کار میخائیل عوض نے غزہ کی مزاحمت کو تاریخ کا بے نظیر نمونہ قرار دیتے ہوئے کہا کہ فلسطینیوں کی استقامت نے عرب حکومتوں کی بے وفائی کو دنیا کے سامنے لایا۔

عرب دنیا کے معروف دفاعی اور اسٹریٹجک امور کے تجزیہ کار میخائیل عوض نے نوار غزہ کی مزاحمت اور قربانی کو تاریخ کی بے نظیر مثال قرار دیتے ہوئے کہا ہے کہ فلسطینی عوام کی استقامت نے ان عرب حکومتوں کو بے نقاب کر دیا ہے جو اسرائیل کے ساتھ کھڑی ہیں۔

یہ بھی پڑھیں:اسلامی ممالک نے کن اسرائیلی برانڈز اور اشیاء کا بائیکاٹ کیا؟

شہاب خبر رساں ایجنسی کے مطابق، میخائیل عوض نے نوار غزہ کی پائیداری کو ایک افسانوی حقیقت قرار دیا اور کہا کہ یہاں کے مرد، عورتیں، بچے اور بزرگ سب ایک ایسا عظیم کردار ادا کر رہے ہیں جسے الفاظ میں بیان کرنا ممکن نہیں۔

انہوں نے کہا کہ غزہ نے طوفان الاقصیٰ آپریشن کے دوران جس عزم، قربانی اور سرزمینِ فلسطین پر باقی رہنے کے جذبے کا مظاہرہ کیا، وہ ایک معجزہ ہے،ان کا کہنا تھا کہ غزہ نے اس بات کو ثابت کیا کہ مستقبل ان اقوام کا ہے جو صبر، قربانی اور اپنے اصولوں پر قائم رہتی ہیں،عوض نے مزید کہا کہ غزہ اس عالمی انگلو-ساکسن نظام کے خلاف ڈٹ گیا ہے جو اپنی طاقت کو نسل کشی اور تباہی کے لیے استعمال کرتا ہے،انہوں نے کہا کہ غزہ کی پائیداری نے یہ پیغام دیا کہ حق پر قائم رہنے والے، خواہ کتنے ہی مظلوم ہوں، بالآخر کامیاب ہوں گے۔

عوض نے عرب حکومتوں پر شدید تنقید کرتے ہوئے کہا کہ غزہ کی استقامت نے ان حکومتوں کو بے نقاب کر دیا جو فلسطین کے کاز سے پیچھے ہٹ چکی ہیں اور صرف اپنے ذاتی مفادات اور مشکوک سرگرمیوں میں مصروف ہیں،انہوں نے مزید کہا کہ یہ حکومتیں شام، یمن، عراق اور لیبیا جیسے ممالک میں تخریبی سرگرمیوں میں ملوث رہیں اور شام جیسے ملک کو دشمنوں کے حوالے کر دیا جبکہ غزہ نے ان کے تمام دعووں کو باطل کر کے حقیقی ایمان اور مزاحمت کے معانی کو دوبارہ متعارف کروایا۔

مزید پڑھیں:امریکی نوجوان نسل اپنے اسرائیل نواز والدین کے برعکس فلسطینیوں کے حامی کیوں ہے؟

صیہونی حکومت نے 7 اکتوبر 2023 کو نوار غزہ پر تباہ کن جنگ کا آغاز کیا جو تاحال جاری ہے، اس دوران ہزاروں فلسطینی شہید اور زخمی ہو چکے ہیں، رہائشی علاقے، انفراسٹرکچر اور اسپتال تباہ کیے جا چکے ہیں

 11 ہفتوں سے غزہ پر شدید محاصرہ جاری ہے، صرف محدود امدادی سامان داخل ہونے دیا گیا ہے،بچوں میں شدید غذائی قلت اور ادویات کی کمی پیدا ہو چکی ہے،اس تمام تباہی کے باوجود، اسرائیل حماس کو ختم کرنے اپنے قیدیوں کو واپس لانےجیسے اپنے اہداف حاصل کرنے میں ناکام رہا ہے، جس کا سہرا فلسطینی مزاحمت اور عوامی استقامت کو جاتا ہے۔