غزہ فلسطین کا ناقابلِ تقسیم حصہ ہے:چین اور ملائیشیا 

سچ خبریں:چین اور ملائیشیا نے ایک مشترکہ میں زور دیا ہے کہ فلسطینی عوام کو ان کی سرزمین اور ریاست کا حق دیا جائے نیز اقوام متحدہ میں مکمل رکنیت دی جائے

چین اور ملائیشیا نے ایک مشترکہ اعلامیہ جاری کرتے ہوئے زور دیا ہے کہ غزہ فلسطین کا ناقابلِ تقسیم حصہ ہے اور فلسطینی عوام کی جبری بے دخلی کو مسترد کرتے ہیں۔

یہ بھی پڑھیں: ہم غزہ کی تعمیر نو کے لیے فنڈ فراہم نہیں کریں گے:وائٹ ہاؤس 

دونوں ممالک نے دو ریاستی حل کی بنیاد پر ایک آزاد فلسطینی ریاست کے قیام کی حمایت کا اعادہ کیا۔

یہ اعلامیہ چینی صدر شی جن پنگ کے سرکاری دورۂ ملائیشیا کے موقع پر جمعرات کو جاری کیا گیا، جس میں روسیا الیوم کے مطابق، دونوں ممالک نے واضح کیا کہ وہ غزہ کے مکینوں کی جبری بے دخلی کے خلاف ہیں اور غزہ کو فلسطین کا ناقابلِ جدا حصہ سمجھتے ہیں۔

اعلامیہ میں مزید کہا گیا کہ فلسطینی عوام کو ان کی اپنی سرزمین پر حکمرانی کا حق بنیادی اصول ہے، جسے غزہ کے انتظام میں بھی مدِنظر رکھا جانا چاہیے، خاص طور پر جب حالیہ تنازعات ختم ہوں۔

دونوں ممالک نے اس بات پر زور دیا کہ ایک آزاد فلسطینی ریاست قائم کی جانی چاہیے، جو دو ریاستی حل پر مبنی ہو، اور فلسطین کو اقوام متحدہ میں مکمل رکنیت دی جائے۔

مزید پڑھیں:ہم فلسطینیوں کو بے گھر کیے بغیر غزہ کی تعمیر نو کے لیے کوشاں ہیں: اردن

تجزیہ کاروں کا کہنا ہے کہ چین اور ملائیشیا جیسے ممالک کی جانب سے اس نوعیت کا دوٹوک مؤقف اختیار کرنا اس بات کی علامت ہے کہ عالمی سطح پر فلسطینی کاز کے لیے حمایت میں اضافہ ہو رہا ہے اور اسرائیلی پالیسیوں پر دباؤ بڑھانے کی نئی حکمت عملی تشکیل پا رہی ہے۔