شمالی شام میں ترکی کے حمایت یافتہ عناصر اور کرد فورسز کے درمیان شدید جھڑپیں؛100 سے زائد ہلاکتیں

🗓️ 5 جنوری 2025

سچ خبریں:شمالی شام میں ترکی کے حمایت یافتہ عناصر اور امریکی حمایت یافتہ کرد فورسز (قسد) کے درمیان شدید جھڑپوں کے نتیجے میں 100 سے زائد افراد ہلاک ہو گئے ہیں۔

عرب میڈیا کی رپورٹ کے مطابق، شمالی شام کے علاقے منبج کے نواح میں ترکی کے حمایت یافتہ عناصر اور امریکی حمایت یافتہ کرد فورسز کے درمیان جاری جھڑپوں میں گزشتہ دو دنوں کے دوران کم از کم 100 افراد اپنی جان سے ہاتھ دھو بیٹھے ہیں، جن میں سے 85 ترکی کے حمایت یافتہ عناصر ہیں۔

یہ بھی پڑھیں: شامی عوام کا تاریک مستقبل

کرد فورسز نے دعویٰ کیا ہے کہ ترکی کی فضائی مدد سے مشرقی اور جنوبی منبج اور شمالی سد تشرین پر ہونے والے حملوں کو ناکام بنا دیا گیا ہے۔

بشار الاسد کی حکومت کے خاتمے کے بعد سے ہی ترکی کے حمایت یافتہ عناصر اور کرد فورسز کے درمیان کشیدگی جاری ہے، جو اب شدت اختیار کر چکی ہے۔

مزید پڑھیں: شام میں مسلح گروہوں کے درمیان اختلافات میں شدت ؛الجولانی کی کرد ڈیموکریٹک فورسز کو وارننگ

جولانی کے دہشت گردانہ نظام کے زیر اثر ترکی کے حمایت یافتہ عناصر نے کرد فورسز کے خلاف کارروائیاں تیز کر دی ہیں، جس سے خطے کی صورتحال مزید پیچیدہ ہو گئی ہے۔