غزہ میں صیہونیوں کے ہاتھوں خاندانی نسل کشی

سچ خبریں:غزہ میں صیہونی فوج کے تازہ حملوں میں کئی فلسطینی خاندانوں کو نشانہ بنایا گیا، جس کے نتیجے میں درجنوں افراد شہید اور زخمی ہو گئے، حملے مختلف علاقوں، بشمول خان یونس، جبالیا، بیت لاهیا اور النصیرات کیمپ پر کیے گئے۔

فلسطینی خبررساں ایجنسی شهاب کی رپورٹ کے مطابق صہیونی ریاست نے گزشتہ شب اور آج صبح ایک بار پھر متعدد فلسطینی خاندانوں کو اپنی میزائل حملوں کا نشانہ بنایا، جس کے نتیجے میں درجنوں شہادتیں اور زخمی ہونے کے واقعات پیش آئے۔

یہ بھی پڑھیں:ملالہ یوسفزئی کی عالمی رہنماؤں سے غزہ میں نسل کشی رکوانے کی اپیل

رپورٹ کے مطابق، اسرائیلی فوج نے رات گئے اور آج صبح فلسطین کے مختلف علاقوں پر شدید حملے کیے۔ شمال مشرقی خان یونس کے علاقے القرارہ میں متعدد فلسطینی گھروں کو مکمل طور پر تباہ کر دیا گیا،اسی طرح خان یونس کے مشرق میں واقع بنی سہیلہ میں بھی اسرائیلی توپ خانے نے فلسطینی شہریوں کو نشانہ بنایا۔

اسرائیلی میزائل حملے میں خان یونس کے جنوب میں واقع البراق کے علاقے میں العاموری خاندان کے گھر کو نشانہ بنایا گیا، جس کے نتیجے میں متعدد فلسطینی شہید اور زخمی ہوئے، شہداء میں معروف فلسطینی عالم دین حمادہ العامودی اور ان کی اہلیہ بھی شامل ہیں۔

شمالی غزہ کے جبالیا کیمپ، جو گزشتہ دنوں سے صیہونی جارحیت کا مسلسل نشانہ بنا ہوا ہے، کو بھی گزشتہ شب اور آج صبح کئی بار حملوں کا سامنا کرنا پڑا، صیہونی فوج نے جبالیا میں دکة خاندان کے گھر کو تباہ کیا، جس میں 5 فلسطینی شہید اور متعدد زخمی ہو گئے۔

مزید پڑھیں:ہسپانوی وزیر اعظم: اسرائیل نسل کشی کرنے والی ریاست ہے

اسی طرح شمالی غزہ کے بیت لاہیا علاقے پر بھی اسرائیلی فضائی حملے کیے گئے، جبکہ مشرقی خان یونس کے عبسان کبریٰ علاقے کو بھی اسرائیلی توپ خانے نے نشانہ بنایا،ادھر شہر غزہ کے آسمان پر اسرائیلی ہیلی کاپٹروں کی پرواز اور حملے بھی متعدد بار دیکھے گئے،مرکزی غزہ کے النصیرات کیمپ کو بھی اسرائیلی حملوں کا نشانہ بنایا گیا، جہاں مہاجرین کے ایک کیمپ پر حملے میں ایک فلسطینی شہید اور متعدد زخمی ہوئے۔