اسرائیلی قیدیوں کے اہل خانہ کی ٹرمپ سے غزہ جنگ روکوانے اور قیدیوں کی رہائی کی اپیل

سچ خبریں:غزہ میں قید صیہونی قیدیوں کے اہل خانہ نے امریکی صدر ڈونلڈ ٹرمپ سے اپیل کی ہے کہ وہ جنگ بند کرانے اور تمام اسرا کی رہائی کے لیے اپنا کردار ادا کریں۔ اہل خانہ نے وزیراعظم نیتن یاہو سے بھی فوری عملی اقدامات کا مطالبہ کیا ہے۔

الجزیرہ نیوز چینل کی رپورٹ کے مطابق، غزہ میں قید اسرائیلی قیدیوں کے اہل خانہ نے سابق امریکی صدر ڈونلڈ ٹرمپ سے اپیل کی ہے کہ وہ جنگِ غزہ کے خاتمے اور تمام قیدیوں کی رہائی کے لیے عملی کردار ادا کریں۔

یہ بھی پڑھیں: کیا نیتن یاہو غزہ جنگ ہار چکے ہیں؟صیہونی قیدیوں کے اہلخانہ کیا کہتے ہیں؟

اسرائیلی قیدیوں کے خاندانوں کے وفد نے ڈونلڈ ٹرمپ کے نام ایک پیغام میں کہا: ہمیں آپ سے امید ہے کہ آپ پچاس اسرا کی رہائی اور فوری جنگ بندی کے لیے اپنا کردار ادا کریں گے۔

اہل خانہ نے ٹرمپ سے درخواست کی کہ وہ اپنی کوششیں اور دباؤ جاری رکھیں اور اپنی طاقت کا استعمال کرتے ہوئے ایسے معاہدے تک پہنچنے میں مدد کریں جس سے تمام قیدی اپنے گھروں کو لوٹ سکیں۔

مزید پڑھیں: ہزاروں صیہونیوں کا کنیسٹ کے سامنے دھرنا؛اہم مطالبہ کیا ہے؟

اسی وفد نے اسرائیلی وزیراعظم بنیامین نیتن یاہو کے نام ایک پیغام میں کہا کہ اب عمل کا وقت ہے؛ اگر آپ میں حقیقی ارادہ ہو تو آپ یہ کام کر سکتے ہیں۔