شام کے خلاف یورپی یونین کی پابندیوں میں توسیع

?️ 29 مئی 2024

سچ خبریں: یورپی یونین کی کونسل نے شام کی دشمنی پر مبنی اقدام کرتے ہوئے بیان میں اعلان کیا کہ اس ملک کے خلاف نافذ کردہ پابندیاں جون ۲۰۲۵ تک بڑھا دی جائیں گی۔

آناتولی نیوز ایجنسی کی رپورٹ کے مطابق یورپی یونین نے منگل کو شام کی دشمنی پر مبنی اقدام میں اعلان کیا کہ اس ملک کے خلاف جاری پابندیوں کو مزید ایک سال کے لیے بڑھایا جائے گا۔

یہ بھی پڑھیں: یورپی یونین کی اسرائیل سے مضحکہ خیز اپیل

یورپی یونین کی کونسل نے شام کے خلاف محدود کاروائیوں کو پہلی جون ۲۰۲۵ تک بڑھانے کا اعلان کیا جس کی وجہ شام میں صورتحال کی مسلسل خرابی بتائی گئی ہے۔

آناتولی کی رپورٹ کے مطابق اس وقت شام کے ۳۱۶ افراد اور ۸۶ اداروں پر پابندیاں عائد کی گئی ہیں، ان سب کی املاک کو بلاک کر دیا گیا ہے اور ان پر یورپی یونین کے شہریوں اور کمپنیوں سے رقوم حاصل کرنے پر پابندی عائد ہے۔

مزید پڑھیں: یورپی یونین کے کن ممالک نے اب تک فلسطین کو تسلیم کیا ہے؟

اس کے علاوہ پابندیوں کی فہرست میں شامل افراد کو یورپی یونین کی سرزمین میں داخل ہونے یا ویاں سے گزرنے کی اجازت بھی نہیں ہے۔