شام میں امریکی و مغربی مفادات کا حامل چیک جمہوریہ کا سفارتخانہ دوبارہ بحال

سچ خبریں:شام میں امریکہ اور دیگر مغربی ممالک کے مفادات کا نگہبان چیک جمہوریہ کے سفارتخانے  نے دمشق میں اپنی سرگرمیاں دوبارہ شروع کر دی ہیں۔

الجزیرہ نیوز چینل کی رپورٹ کے مطابق، چیک وزیر خارجہ نے اعلان کیا کہ بشار الاسد کی حکومت کے خاتمے کے بعد ایک ماہ کے تعطل کے بعد اس ملک کے سفارتخانے نے اپنی سرگرمیاں بحال کر دی ہیں۔

یہ بھی پڑھیں: مغربی ممالک اب بھی شام میں دہشت گردوں کی حمایت کرتے ہیں:روس

چیک سفارتخانے کے امریکی مفادات کے نگران عہدیدار بھی اپنی ذمہ داریوں پر واپس آ چکے ہیں۔

چیک وزیر خارجہ نے کہا کہ امریکی وزیر خارجہ آنتھونی بلینکن نے ان سے رابطہ کر کے سفارتی سرگرمیوں کے تسلسل پر زور دیا۔

یاد رہے کہ چیک سفارتخانہ 2012 سے دمشق میں امریکی اور مغربی ممالک کے مفادات کی نمائندگی کر رہا ہے، جب ان ممالک نے اپنی سفارتیں بند کر دی تھیں۔

چیک وزارت خارجہ نے اعلان کیا کہ ماسکو میں سابق چیک سفیر کو دمشق میں قائم مقام سفیر کے طور پر تعینات کیا گیا ہے۔

واضح رہے کہ شام میں امریکی سفارت خانہ بدستور بند ہے۔

مزید پڑھیں: شام میں مغربی ممالک کے جرائم

چیک جمہوریہ کے سفارتخانے کا دوبارہ کھلنا نہ صرف سفارتی تعلقات کی بحالی کی جانب قدم ہے بلکہ خطے میں مغربی ممالک کے مفادات کے تحفظ کی حکمت عملی کا بھی حصہ ہے۔

۔