سچ خبریں:فلسطینی ذرائع نے اعلان کیا کہ منگل کی صبح سے کم از کم 500 صہیونی آباد کاروں نے مسجد الاقصی پر حملہ کیا ہے۔
العہد نیوز ایجنسی کی ویب سائٹ کے مطابق فلسطینی ذرائع نے اعلان کیا ہے کہ منگل کی صبح سے کم از کم 500 صیہونی آبادکاروں نے مسجد الاقصی پر حملہ کیا ہے، دوسری جانب فلسطینی ذرائع نے اطلاع دی ہے کہ صہیونی ربی یہودا گلک نے صیہونیوں کے ایک گروہ کے ساتھ مل کر مسجد الاقصی پر حملہ کیا۔ اس حملے میں انہوں نے مسجد اقصیٰ کے داخلی راستوں سے باب الرحمہ کے اطراف میں بجن بھی بجایا جس کی تصاویر بھی شائع ہوئی ہیں۔
واضح رہے صیہونی حکومت کی پولیس نے فلسطینیوں کو مسجد اقصیٰ کے اندر سے زیتون اتارنے سے روک دیا، دوسری جانب فلسطینی اتھارٹی نے نابلس سے تعلق رکھنے والے فلسطینی مجاہد امید طبیلہ کو رہا کر دیا جنہیں چند روز قبل فلسطینی اتھارٹی کی سکیورٹی فورسز نے نابلس میں فلسطینی ایک اور مجاہد مصعب اشتیہ کے ساتھ گرفتار کیا تھا۔
در ایں اثنا فلسطینی ذرائع نے صیہونی حکومت کی جیل میں کینسر کے مرض میں مبتلا فلسطینی قیدی ناصر ابو حامد کی خطرناک جسمانی حالت کی اطلاع دی ہے جبکہ متعدد فلسطینی گروپوں نے بیانات جاری کر کے اس قیدی کی فوری رہائی کا مطالبہ کیا ہے۔
