300000 صہیونیوں کی ذاتی معلومات ہیک

🗓️ 3 جولائی 2022

سچ خبریں:صہیونی میڈیا کی رپورٹس کے مطابق کئی سیاحتی ویب سائٹس کو ہیکرز کے ایک گروہ نے نشانہ بنایا جس کے بعد لاکھوں صیہونیوں کی ذاتی معلومات کو منظر عام پر آگئیں۔
صیہونی حکومت کے چینل 12 کی رپورٹ کے مطابق مقبوضہ علاقوں میں سیاحتی کمپنیوں کی ویب سائٹس کی ہیکنگ کے نتیجے میں لاکھوں صیہونیوں کی ذاتی معلومات شائع ہوئیں جن میں سے سینکڑوں صیہونیوں کے فون نمبر، پتے اور حساس طبی معلومات شامل ہیں۔

یاد رہے کہ یہ سائبر حملہ تقریباً دو ہفتے قبل شروع ہوا جس میں مختلف سیاحتی کمپنیوں کی ویب سائٹس کو نشانہ بنایا گیا، صیہونی پرائیویٹ انفارمیشن پروٹیکشن آرگنائزیشن کا دعویٰ ہے کہ اس نے سائٹس کے آپریٹر سے رابطہ کیا اور انفارمیشن سکیورٹی میں خلاف ورزی کے بارے میں خبردار کیا لیکن مذکورہ آپریٹر نے زیادہ لاگت کی وجہ سے کارروائی کرنے سے انکار کردیا۔

اس وجہ سے اور عدالتی حکم کی بنیاد پر صیہونی پرائیویٹ انفارمیشن پروٹیکشن آرگنائزیشن کے انسپکٹرز نے سرورز کو قبضے میں لے لیا اور کمپنیوں کے مالکان کی تمام سائٹس کی سرگرمیاں بند کر دیں، یاد رہے کہ 10 صیہونی کمپنیوں کے نام ان ویب سائٹس کی فہرست میں شامل ہیں جو مذکورہ سائبر حملے کا نشانہ بنی ہیں، قابل ذکر ہے کہ حالیہ مہینوں میں صیہونیوں پر سائبر حملوں کی برسات ہو رہی ہے جس کو لے صیہونی حکام سخت تشویش میں مبتلا ہیں۔