سچ خبریں:امریکی اور عالمی ایئر لائنز کے لاکھوں مسافر نئے سال 2022 کے کام کے پہلے دن امریکی اور بین الاقوامی ہوائی اڈوں پر پھنسے ہوئے ہیں جہاں اومیکرون کورونا وائرس کی وجہ سے ہونےوالے واقعات میں اضافے کے باعث پروازیں منسوخ یا تاخیر کا شکار ہیں۔
ایسوسی ایٹڈ پریس کی رپورٹ کے مطابق بحر اوقیانوس کے موسم سرما کے طوفان اور کورونا وائرس کے پھیلنے نے نئے سال کی تعطیلات کے بعد کام پر واپس جانے کا ارادہ کرنے والے مسافروں کی حالت زار میں اضافہ کر دیا ہے۔
اخبار نےپیر کو مقامی وقت کے مطابق اپنی ایک رپورٹ میں بتایا کہ عالمی پروازوں کو ٹریک کرنے والے فلائٹ ایور کے مطابق پیر کے وسط تک ریاستہائے متحدہ میں 2600 سے زیادہ پروازیں جبکہ دیگر ممالک میں 4100 سے زیادہ پروازیں منسوخ کر دی گئیں نیز 8500 پروازیں تاخیر کا شکار ہوئیں جن میں سے 3100 امریکہ کی تھیں،امریکی ایئر لائنز نے منگل کو تقریباً 300 پروازیں منسوخ کر دیں۔
امریکی موسم کی پیشگوئی کے مطابق کولمبیا، شمالی ورجینیا اور وسطی میری لینڈ کو برفانی طوفان کا سامنا ہے اور پیر کے آخر تک ان علاقوں میں تقریباً 25 سینٹی میٹر تک برف پڑ جائے گی جبکہ پروازوں کی منسوخی اور تاخیر ان مسافروں کے لیے بھی ایک مسئلہ ہے جو سال کی چھٹیوں کے اختتام سے قبل گھر جانے کا ارادہ کر رہے ہیں۔
