الدہیشہ کیمپ پر صیہونیوں کا حملہ ؛ متعدد فلسطینی گرفتار

?️ 4 جنوری 2022

سچ خبریں:صیہونی فوج نے مغربی کنارے میں رام اللہ میں واقع الدہیشہ کیمپ پر دھاوا بول کر متعدد فلسطینیوں کو حراست میں لے لیا۔
العہد چینل کی رپورٹ کے مطابق مقبوضہ فلسطین کے مختلف علاقوں میں فلسطینیوں کے خلاف صیہونیوں کی جارحانہ کاروائیوں کا سلسلہ بدستور جاری ہے، اسی سلسلے میں صیہونی فوج نے مغربی کنارے میں الدہیشہ کیمپ پر حملہ کیا۔

رپورٹ کے مطابق الدہیشہ کیمپ پر صہیونی فوجیوں کے وحشیانہ حملے کے بعد ان کے اور فلسطینی شہریوں کے درمیان شدید جھڑپیں ہوئیں جبکہ صیہونیوں نے لڑائی کے دوران متعدد فلسطینیوں کو حراست میں لے لیا،یادرہے کہ حال ہی میں فلسطینی مزاحمتی گروپوں کے مشترکہ چیمبر نے مقبوضہ بیت المقدس اور مغربی کنارے میں صیہونی حکومت کے حالیہ جرائم کی شدید مذمت کی ہے۔

فلسطینی مزاحمتی گروپوں کے مشترکہ چیمبر نے ایک بیان میں کہا ہے کہ وہ فلسطین میں جاری واقعات کے ساتھ ساتھ اسرائیلی حکام کی طرف سے فلسطینیوں پر نئی شرائط مسلط کرنے کی کوششوں پر بھی نظر رکھے ہوئے ہے۔

بیان میں صیہونی حکومت کو مخاطب کرتے ہوئے کہا گیا ہے کہ فلسطینی عوام کے خلاف صیہونی حکومت کے اس خطرناک حد تک جرائم کا تقاضا ہے کہ ہم اس پر فیصلہ کن رد عمل ظاہر کریں جبکہ فطری طور پر ان جرائم کا تسلسل حالات کو مزید کشیدہ بنا دے گا اور ا س کی ذمہ دار صیہونی حکومت ہوگی جو ہمیں رد عمل پر مجبور کر رہی ہے اس لیے کہ وہ فلسطینی قیدیوں پر دباؤ بڑھا رہی ہے جبکہ صیہونی اچھی طرح جانتے ہیں کہ ان کے پاس فلسطینیوں کے سامنے ہتھیار ڈالنے کے سوا کوئی چارہ نہیں۔