یورپی یونین کے رکن ممالک بھی یونین میں یوکرین کی شمولیت کے مخالف

?️ 26 مئی 2022

سچ خبریں:یوکرین کی جانب سے یورپی یونین میں شمولیت کے لیےمتعدد بار دی جانے والی درخواستوں کے باوجود یونین کے بعض رکن ممالک اس معاملے کی مخالفت کر رہے ہیں۔
پولش ایوان صدر کی بین الاقوامی ڈیسک کے سربراہ یعقوب کوموچ نے انکشاف کیا ہے کہ چند مغربی ممالک یورپی یونین میں یوکرین کی رکنیت کی مخالفت کر رہے ہیں، یاد رہے کہ اس سے پہلے فرانس کی وزارت خارجہ نے کہا تھا کہ یوکرین کی رکینت کے معاملے پر جون میں ہونے والے یورپی کونسل کے اجلاس میں بحث کی جائے گی۔

جنگ یوکرین میں کی ایف کی حمایت کے بہانے، جلتی پر تیل چھڑکنے والے یورپی ممالک شروع ہی سے یوکرین کی یورپی یونین میں شمولیت کی مخالفت کرتے آئے ہیں، یورپ کے امور میں فرانسیسی وزیر خارجہ کے نمائندے کیلمن بون نے بڑے واضح الفاظ میں کہا ہے کہ یورپی یونین میں یوکرین کی شمولیت کا معاملہ پندرہ سے بیس سال طول پکڑ سکتا ہے۔