یورپی یونین کا قانونی شعبہ IRGC کو دہشت گرد قرار دینے کے معاملے کی تحقیقات کر رہا ہے:فنانشل ٹائمز

?️ 31 جنوری 2023

سچ خبریں:فنانشل ٹائمز اخبار نے اطلاع دی ہے کہ یورپی یونین کا قانونی شعبہ 3 ہفتوں کے اندر اس یونین کے ارکان کو آئی آر جی سی کا نام دہشت گردوں کی فہرست میں شامل کرنے کی قانونی حیثیت ہونے یا نہ ہونے کے بارے میں اپنی رائے کا اعلان کرنے والا ہے۔

فنانشل ٹائمز اخبار نے اپنی ایک رپورٹ میں لکھا ہے کہ یورپی یونین ایران کی اسلامی انقلاب گارڈ کور کو دہشت گرد گروپ کے طور پر شناخت کرنے کے لیے قانونی آپشنز پر غور کر رہی ہے،ایسا عمل جو ایران اور مغربی فریقوں کے درمیان جوہری معاہدے کے احیاء کی آخری امیدوں کو بھی ختم کر دے گا۔

اس رپورٹ میں مزید کہا گیا ہے کہ یورپی یونین کا یہ اقدام ایران کی طرف سے روس کو ڈرونز کی پیشکش کے جواب میں ہے اور ان اقدامات کے جواب میں ہے جنہیں یورپی یونین نے ایران میں مظاہروں کو کچلنے کا نام دیا ہے،تاہم ایران نے یوکرین جنگ میں استعمال کے لیے روس کو کوئی بھی ڈرون بھیجے جانے کی سختی سے تردید کی ہے۔

اس رپورٹ کے مطابق چار سفارتی ذرائع نے اس اخبار کو بتایا ہے کہ یہ مسئلہ گزشتہ ہفتے یورپی یونین کے وزرائے خارجہ کے اجلاس میں اٹھایا گیا تھا اور ایک یا دو ممالک نے اس کی حمایت کی تھی، تاہم یورپی یونین کا قانونی شعبہ 3 ہفتوں کے اندر اس یونین کے27 ارکان کو آئی آر جی سی کا نام دہشت گردوں کی فہرست میں شامل کرنے کی قانونی حیثیت ہونے یا نہ ہونے کے بارے میں اپنی رائے کا اعلان کرنے والا ہے۔

یورپی یونین کے خارجہ پالیسی کے افسر جوزف بوریل نے گزشتہ ہفتے کہا تھا کہ اسلامی انقلاب گارڈ کور کا نام دہشت گرد تنظیموں کی فہرست میں شامل کرنے کے لیے اس یونین کے رکن ممالک میں سے کسی ایک کی عدالت سے فیصلے کی ضرورت ہے،بوریل نے صحافیوں کو بتایا کہ آپ یہ نہیں کہہ سکتے کہ میں IRGC کو دہشت گرد سمجھتا ہوں کیونکہ مجھے یہ گروپ پسند نہیں ہے،سب سے پہلے عدالت کو اس حوالے سے فیصلہ کرنا چاہیے۔