یمن کی جنگ میں جارحیت پسندوں کی مایوسی

?️ 26 دسمبر 2021

سچ خبریں:سعودی زیرقیادت جارح اتحاد کے لڑاکا طیاروں نے جمعہ کی صبح صنعا کےاسٹیڈیم جو ایک عوامی جگہ ہے، پر بمباری کی اور دعویٰ کیا کہ یہ یمنی جنگجوؤں کے لیے بیلسٹک میزائل اور ڈرون ڈپو کی جگہ ہے جو کہ جارحین کی مایوسی اور ناکامی کی علامت ہے۔
سعودی عرب کی قیادت میں عرب امریکی اتحاد نے یمن پر جارحیت کرتے ہوئے یمن کے تمام انفراسٹرکچر، اسپتالوں، اسکولوں، تربیتی مراکز اور سڑکوں کو نشانہ بنایا اور تباہ کر دیا، تاہم صنعا اسٹیڈیم جو کھیلوں کا مقام ہے ،پرجمعے کے روز ہونے والی بمباری نےظاہر کیا یمن میں ناکام اور مایوس جارح ہر جگہ سے کھلے عام شہری مقامات پر بمباری کرنے لگے ہیں۔

خبری ذرائع نے بتایا کہ سعودی عرب کےاتحادی لڑاکا طیاروں نے گذشتہ جمعے کو صنعا کے الثورہ اسٹیڈیم کے ساتھ ساتھ شہر کے جنوب میں الزبیری اسٹریٹ پر تین بار بمباری کی اور اسے نقصان پہنچایا، جس سے متعدد افراد زخمی ہوئے،واضح رہے کہ سعودی اتحاد کے اس دعوے کے کہ صنعاکے الثورہ اسٹیڈیم میں ہتھیار موجود ہیں اور اسی بہانے سےیمنی دارالحکومت کی کھیلوں کی تنصیبات پر حملہ کیا گیا، فوراً بعد صنعا کے حکام نے سعودی میڈیا سے کہا کہ وہ سعودیوں کے جھوٹ کو بے نقاب کرنے کے لیے اسٹیڈیم میں آئیں۔

یمن کے وزیر اطلاعات نصرالدین عامر نے جمعے کی صبح صنعاء اسٹیڈیم پر سعودی اتحاد کے حملے کے فوراً بعد تمام سعودی میڈیا سے مطالبہ کیا کہ وہ الثورہ اسٹیڈیم میں آکر ہتھیاروں کی موجودگی کو ثابت کریں۔