یمن کی جانب سے مقبوضہ فلسطین پر ایک اور بیلسٹک میزائل حملہ

?️ 22 جولائی 2025

یمن کی جانب سے مقبوضہ فلسطین پر ایک اور بیلسٹک میزائل حملہ

یمنی مسلح افواج کے ترجمان، یحیی سریع نے ایک بیان میں کہا کہ آج صبح کیے گئے حملے میں فلسطینی عوام کی حمایت اور غزہ پر جاری نسل کشی کے ردعمل میں فلسطین ۲ نامی ایک جدید سپرسونک بیلسٹک میزائل کے ذریعے بن گوریون ایئرپورٹ  کو نشانہ بنایا گیا۔

ذرائع ابلاغ کی رپورٹ کے مطابق یمن کی سرزمین سے اسرائیل کے زیر قبضہ علاقوں پر ایک اور بیلسٹک میزائل داغا گیا ہے۔ صہیونی ذرائع ابلاغ نے منگل کے روز اس حملے کی تصدیق کرتے ہوئے کہا کہ یمنی افواج نے دوبارہ ایک میزائل مقبوضہ علاقوں کی طرف فائر کیا ہے۔

یمنی مسلح افواج کے ترجمان، یحیی سریع نے ایک بیان میں کہا کہ آج صبح کیے گئے حملے میں فلسطینی عوام کی حمایت اور غزہ پر جاری نسل کشی کے ردعمل میں فلسطین ۲ نامی ایک جدید سپرسونک بیلسٹک میزائل کے ذریعے بن گوریون ایئرپورٹ  کو نشانہ بنایا گیا۔

انہوں نے دعویٰ کیا کہ یہ حملہ کامیاب رہا، جس کے نتیجے میں لاکھوں صہیونی شہری پناہ گاہوں کی طرف بھاگے اور ایئرپورٹ کی سرگرمیاں معطل ہو گئیں۔

یحیی سریع نے غزہ اور مغربی کنارے میں فلسطینی مجاہدین کی قربانیوں کو خراج تحسین پیش کرتے ہوئے واضح کیا کہ جب تک اسرائیل کی جارحیت بند نہیں ہوتی اور غزہ کا محاصرہ ختم نہیں کیا جاتا، یمن کی عسکری کارروائیاں جاری رہیں گی۔

یمنی مسلح افواج نے گزشتہ رات بھی ایک بیان جاری کرتے ہوئے اعلان کیا تھا کہ ان کی ڈرون یونٹ نے ایک بڑی کارروائی میں مقبوضہ فلسطین میں پانچ اہم فوجی اور حساس تنصیبات کو کامیابی سے نشانہ بنایا۔