یمنی فوج کی تکفیری دہشتگردوں کے خلاف کاروائی کی تفصیلات

🗓️ 31 جولائی 2021

سچ خبریں:یمنی مسلح افواج کے ترجمان نے یمن کے صوبہ البیضا میں تکفیری دہشتگردوں کے خلاف آپریشن نصر المبین کے دوسرے مرحلے کی تفصیلات بیان کیں۔
المیادین چینل کی رپورٹ کے مطابق یمنی مسلح افواج کے ترجمان یحیی سریع نے آپریشن النصر المبین کے دوسرے مرحلے کی تفصیلات بتاتے ہوئے کہاکہ آپریشن کا دوسرا مرحلہ نعمان اورناطع شہروں کو آزاد کرانے کا باعث بنا جبکہ صوبہ البیضا میں آپریشن النصر المبین کے دو مراحل کے دوران الصومعه، الزاهر، نعمان و ناطع کے علاقے آزاد کرائے گئے۔

انہوں نے مزید کہاکہ اس آپریشن کے دوران صوبہ البیضا کا 380 مربع کلومیٹر القاعدہ اور داعش کے حملہ آور عناصر سے آزاد کرایا گیاجبکہ آپریشن کے دو مراحل کے دوران مجموعی طور پر 500 مربع کلومیٹرعلاقہ کو آزاد کیا گیاجس میں داعش اور القاعدہ کو بھاری جانی نقصان اٹھانا پڑا۔

یمنی مسلح افواج کے ترجمان نے کہاکہ آپریشن النصر المبین کے دوسرے مرحلے کے دوران ہلاک ہونے والوں کی تعداد 160 تھی جبکہ ان کے زخمی ہونے والے افراد 200 سے زائد تھےدرایں، اثنا ہماری فورسز آپریشن النصر المبین کے دوسرے مرحلے کے دوران درجنوں تکفیریوں کو گرفتار کرنے میں کامیاب ہوئیں۔

سرئع نے کہاکہ آپریشن کے دوران حملہ آوروں اور ان کے ایجنٹوں کی درجنوں گاڑیوں کو آگ لگا دی گئی اور تباہ کر دیا گیا جبکہ النصر المبین آپریشن کے دوران حملہ آوروں اور تکفیری عناصر سے بڑی مقدار میں مختلف برآمد کیا گیا، انہوں نے کہاکہ آپریشن النصر المبین کے دوسرے مرحلے میں ہماری مسلح افواج کی مختلف یونٹس نے حصہ لیا، ڈرون یونٹ نے بشمول جاسوسی اور جنگی آپریشن کے19 آپریشن کیے اورداعش اور القاعدہ کے ٹھکانوں کو نشانہ بنانا۔

سریع نے کہا کہ میزائل یونٹ نے 13 آپریشن کیے جن میں اس نے بدر اور سعیر میزائل استعمال کیے،یمنی مسلح افواج مقامی حکام کے تعاون سے آزاد علاقوں میں زندگی معمول پر لائی ہے۔