ہمیں مان لینا چاہیے میں ہم نفرت انگیز ہیں:صیہونی میڈیا

?️ 12 دسمبر 2022

سچ خبریں:عالمی کپ کے کھیل دیکھنے کے لیے قطر جانے والے دنیا کے مختلف ممالک کے شہریوں میں صیہونیوں کے ساتھ سمجھوتے سے انکار اور مخالفت کا سلسلہ جاری ہے۔

عرب میڈیا نے سوشل میڈیا پر شائع ہونے والے کلپس کا حوالہ دیتے ہوئے اطلاع دی ہے کہ جب کان ٹی وی چینل کا رپورٹر براہ راست نشر کر رہا تھا اور اسٹوڈیو سے گفتگو کر رہا تھا تو اس کے پیچھے متعدد شائقین فلسطینی پرچم تھامے کھڑے صیہونی مخالف نعرے لگا رہے تھے، شائع شدہ تصاویر سے ظاہر ہوتا ہے کہ ایک نے اس صیہونی نیٹ ورک کے براڈکاسٹ کیمرے کے سامنے آکر صیہونی حکومت کے خلاف بدترین گالیاں دیں اور یہ مظاہرے اس حد تک پھیل گئے کہ صہیونی میڈیا کو دوحہ سے اپنی براہ راست نشریات بند کرنا پڑیں۔

عرب میڈیا کے مطابق صیہونی حکومت کے خلاف احتجاج صرف عرب اور مسلمان شائقین تک محدود نہیں تھا بلکہ برطانوی شائقین کی ایک بڑی تعداد نے بھی اس وقت فلسطین کی حمایت میں نعرے لگائے جب انہیں معلوم ہوا کہ ایک اسرائیلی رپورٹر ان کے سامنے کھڑا ہے،اسی طرح سینیگال کے خلاف انگلینڈ کی فتح کے بعد جاری ہونے والے کلپس میں شائقین آزاد فلسطین کے نعرے لگا رہے تھے جس نے صہیونی صحافی کو چونکا دیکیونکہ اسے یقین نہیں تھا کہ اس کے ساتھ بھی ایسا کچھ ہو گا حتیٰ کہ غیرعرب شائقین میں صیہونی مخالف نعرے لگائیں گے۔

صیہونی حکومت کے بڑے پیمانے پر شائع ہونے والے اخبار اسرائیل ہیوم نے کچھ عرصہ قبل اپنے ایک کالم میں عرب اور اسلامی برادریوں کی جانب سے سمجھوتہ معاہدے کی مخالفت کا اعتراف کرتے ہوئے صیہونی حکومت کے عہدہ داروں کو مخاطب کرتے ہوئے کہا کہ ہمیں مان لینا چاہیے کہ دنیا میں بڑے پیمانے پر ہمارے خلاف نفرت کا بہاؤ جاری ہے،اس کالم کے لکھنے والے ایریل ہارٹز نے اس کے ایک حصے میں ذکر کیا ہے کہ اسرائیلی صحافی راز ششنک، جو ورلڈ کپ کی کوریج کے لیے قطر گئے تھے، مشرق وسطیٰ کے تمام حصوں میں موجود شائقین میں اسرائیل کے خلاف نفرت کی مقدار دیکھ کر حیران رہ گئے۔

یہ رپورٹر اس حوالے سے لکھتا ہے کہ میں تسلیم کرتا ہوں کہ پہلی بار میں انتہائی مایوس اور حیران تھا، میں نے ہمیشہ اپنے آپ کو ایک اعتدال پسند اور لبرل انسان سمجھا، میں سمجھتا تھا کہ ہمارا مسئلہ حکومتوں اور حکمرانوں سے ہے، لیکن قطر میں میں نے اپنی آنکھوں سے دیکھا کہ سڑکوں اور گلی کوچوں میں لوگ ہم سے کتنی نفرت کرتے ہیں، لوگ ہمیں دنیا کے منظر سے مٹانا چاہتے ہیں، اسرائیل سے متعلق ہر چیز سے سخت نفرت کی جاتی ہے۔