ہماری کوئی سرخ لکیر نہیں؛عرین الاسود کی صیہونیوں کو دھمکی

🗓️ 5 اپریل 2023

سچ خبریں:صیہونیوں کی پسح عید کے موقع پر فلسطینی مزاحمتی گروپ عرین الاسود نے ایک سخت بیان میں قابضین کو دھمکی دی کہ ہم قابضین سے کہتے ہیں کہ اگر مسجد اقصیٰ کے خلاف کوئی بھی حماقت کریں گے اس کی بھاری قیمت چکانی پڑے گی۔

مرکزاطلاعات فلسطین نے منگل کی شام اعلان کیا کہ فلسطینی مزاحمتی گروپ عرین الاسود نے تمام فلسطینیوں سے یہودی آباد کاروں کی جارحیت اور ہراساں کرنے کے خلاف مسجد الاقصی کا دفاع کرنے کی اپیل کی ہے۔

عرین الاسود کے بیان میں کہا گیا ہے کہ ہم فلسطینی قوم سے کہتے ہیں کہ وہ کسی بھی وقت جمع ہو کر مسجد اقصیٰ میں جائیں اور آباد کاروں کی جانب سے اس مقدس مقام پر حملہ کرنے کی دھمکیوں کا جواب دیں۔

عرین الاسود نے صیہونیوں کو شدید دھمکی دیتے ہوئے کہا کہ ہمارے مجاہدین کی کوئی سرخ لکیر نہیں ہے،اس مزاحمتی گروہ نے فلسطینی عوام کو مخاطب کرتے ہوئے مزید کہا کہ اے فلسطین کے بہادر لوگو، باہر نکلو تاکہ ہم سب ان کی درخواست کا خون اور گولیوں سے سامنا کرسکیں۔

واضح رہے کہ عرین الاسود کا یہ بیان اس وقت سامنے آیا ہے جب صیہونی داخلی سلامتی کے وزیر ایتمار بن گوئر نے اتوار کی رات صیہونیوں سے کہا تھا کہ وہ بدھ کے روز یہودیوں کی پسح عید کے موقع پر مسجد اقصیٰ پر حملہ کریں۔

یاد رہے کہ اس سے قبل بھی اس نے صیہونی افواج کی حمایت سے کچھ آبادکاروں کے ساتھ مل کر مسجد الاقصی پر حملہ کیا تھا جبکہ اس سے پہلے مصر اور اقوام متحدہ نے صیہونی حکومت کو مسجد الاقصی پر بن گوئر کے کسی بھی حملے کے بارے میں خبردار کیا تھا۔