کیا  ٹرمپ امریکہ کو ایک اور مہنگی جنگ میں گھسیٹ رہے ہیں؟

سچ خبریں:  ڈیموکریٹک سینیٹرز کے رہنما چک شومر نے زور دے کر کہا ہے کہ صدر ڈونلڈ ٹرمپ کی وینزویلا کے حوالے سے لاپرواہ کارروائیاں امریکا کو ایک اور مہنگی غیر ملکی جنگ کے قریب لے جا رہی ہیں۔

انہوں نے مزید کہا کہ ہمارے آئین کے مطابق، جنگ کا اعلان صرف کانگریس کا اختیار ہے، صدر کا نہیں۔ کانگریس نے وینزویلا کے خلاف فوجی طاقت کے استعمال کی اجازت نہیں دی ہے۔

شومر نے کہا کہ امریکی عوام لامتناہی غیر ملکی جنگوں سے تنگ آچکے ہیں جنہوں نے ہمارے کئی فوجیوں کی جانیں لی ہیں اور بیش قیمت وسائل ضائع کیے ہیں۔ یہ ‘امریکا فرسٹ’ کی پالیسی نہیں ہے۔

اس سے قبل وال اسٹریٹ جرنل نے باخبر ذرائع کے حوالے سے بتایا تھا کہ صدر ڈونلڈ ٹرمپ نے گذشتہ دنوں اپنے فون کال میں وینزویلا کے صدر نیکولس مادورو کو طاقت کے استعمال کی دھمکی دی تھی۔

رپورٹ کے مطابق، ٹرمپ نے اس ٹیلی فونک گفتگو میں وینزویلا کے معاملے میں مداخلت پسندانہ اور جنگ جیسے موقف اختیار کرتے ہوئے مادورو کو دھمکی دی کہ اگر انہوں نے اقتدار چھوڑنے سے انکار کیا تو وہ طاقت کا استعمال کریں گے۔

ٹرمپ نے وینزویلا کے فضائی حدود کو بھی بند قرار دے دیا ہے!