کویت کا بین الپارلیمانی یونین سے اسرائیلی وفد کو نکالنے کا مطالبہ

?️ 20 مارچ 2022

سچ خبریں:کویتی پارلیمنٹ کے اسپیکر نے بین الپارلیمانی یونین کے صدر سے مطالبہ کیا کہ وہ اس یونین سے روس کے اخراج کے معاملے پر غور کرنے سے پہلے اسرائیلی حکومت کو نکال دیں۔
کویتی اخبار الرائے کی رپورٹ کے مطابق کویتی پارلیمنٹ امت اسمبلی کے اسپیکر مرزوق علی الغانم نے انڈونیشیا میں بین الپارلیمانی یونین کی 144ویں نشست کی ہم آہنگی کے لیے منعقد ہونے والی میٹنگ کے موقع پر عرب لیگ کے صدر سے خطاب کرتے ہوئے کہا کہ حقیقت یہ ہے کہ روس-یوکرین بحران کے تناظر میں فیصلہ کن کارروائی اور روس کو بین الپارلیمانی یونین سے نکالنے کے مطالبات کیے گئے ہیں، جب کہ ہم اسرائیل کے جرائم اور اس کے فلسطین پر قبضے کے سلسلہ میں 60 سال سے زائد عرصے سے مکمل بے توجہی کا مشاہدہ کر رہے ہیں۔

الغانم نے تاکید کی کہ ہم مکمل طور پر قبضے کے خلاف ہیں ،کویب ایک ایسا ملک ہے جس نے 30 سال قبل قبضے کا تجربہ کیا تھا، لیکن اس کے ساتھ ساتھ ہمیں ایسے معاملات جو خالصتاً قانونی ہیں، پر دوغلے پن کا نقطہ نظر اختیار کرنے کی مخالفت کا اظہار کرنا چاہیے۔

واضح رہے کہ کویت نے دیگر عرب ریاستوں کی طرح ابھی تک صیہونیوں کے ساتھ تعلقات کو معمول پر لانے کی مخالفت کی ہے اور فلسطینیوں کا ساتھ دیا ہے۔