سچ خبریں:کویتی خواتین نے بھارتی ریاست کرناٹک کے اسکولوں میں حجاب پر پابندی عائد کیے جانے کے خلاف کویت سٹی میں ہندوستانی سفارخانے کے سامنے احتجاجی مظاہرہ کیا۔
کویت کے دارالحکومت کویت سٹی میں بھارتی سفارت خانے کے سامنے کویتی خواتین نے بھارت کی باپردہ مسلمان خواتین کی حمایت میں احتجاجی مظاہرہ کیا ہے، اطلاعات کے مطابق مظاہرین خواتین نے کرناٹک کے تعلیمی اداروں میں حجاب پر پابندی لگائے جانے کے خلاف شدید غم و غصّے کا اظہار کیا ہے۔
مظاہرہ کرنے والی کویتی خواتین کا کہنا ہے کہ حجاب پہننا حق ہے، حجاب پہننے والی خواتین کی تذلیل افسوس ناک ہے،واضح رہے کہ بھارت کی ریاست کرناٹک سمیت کئی ریاستوں میں تعلیمی اداروں میں طالبات کے لیے حجاب پہننے پر پابندی عائد کر دی گئی ہے جس کے بعد پورے بھارت میں حجاب کی اس پابندی کے خلاف مظاہرے جاری ہیں اور اب عالمی سطح بھی اس اقدام کی مذمت کی جارہی ہے جبکہ دنیا بھر کے کئی ملکوں میں مظاہرے کیے جارہے ہیں اور ہندوستانی حکومت کو اس فیصلہ کو واپس لینے پر زور دیا جارہا ہے۔
تاہم ہندوستانی حکومت نے ابھی تک کوئی بھی رد عمل ظاہر نہیں کیا ہے اور نہ ہی فیصلہ واپس لیا ہےجبکہ کہا جارہا ہے کہ اس اقدام سے فرقہ واریت کو ہوا ملتی ہے اور ا س ملک میں کبھی بھی تنازع کھڑا ہوسکتا ہے۔