سچ خبریں:سعودی اتحاد نے یمن کے صوبوں الذمار اور حضرموت کے شہری آبادی والے متعدد علاقوں پر وحشیانہ بمباری کی۔
المسیرہ چینل کی رپورٹ کے مطابق یمن کے نہتے عربوں کے خلاف سعودی عرب کی بربریت ، جارحیت اور ظالمانہ ہوائی حملوں کا سلسلہ جاری ہے، سعودی عرب کے جنگي طیاروں نے آج یمن کے صوبوں الذمار اور حضرموت کی شہری آبادی پر شدید اور وحشیانہ بمباری کی ہے۔
اطلاعات کے مطابق سعودی عرب کے جنگي طیاروں نے صوبہ الذمار میں بمباری کرکے کئی گھروں کو ویران کردیا ، جبکہ صوبہ حضرموت میں بھی سعودی عرب کے جنگي طیاروں نے شہری آبادی کو نشانہ بنایا ہے۔
عرب ذرائع کے مطابق سعودی عرب کو یمن پر مسلط کردہ جنگ میں امریکہ اور اسرائل سمیت دس عرب ممالک کی حمایت حاصل ہے تاہم اس کے باوجود سعودی عرب یمن میں اپنے شوم اہداف تک پہنچنے میں بری طرح ناکام ہوگیا ہے۔
درایں اثنا یمنی فوج کے ترجمان کا کہنا ہے کہ سعودی عرب اور امارات کے بہیمانہ ہوائی حملوں کا جواب حملوں سے دیا جائےگاانھوں نے مزید کہا کہ یہ ان کا حق ہے اور انھوں نے اس سے پہلے بھی ایسا کر دکھایا ہے اگرچہ جب یمنی عوام اپنا دفاع کرتے ہیں تو سب مغربی ممالک میں ہاہاکار مچ جاتی ہے اور انسانی حقوق کی دہائی دی جانے لگتی ہے۔