سچ خبریں:میڈیا ذرائع کے مطابق کویت کے وزیراعظم نے سرکاری طور پر اپنی حکومت کا استعفیٰ اس ملک کے ولی عہد کو پیش کردیا ہے۔
الجزیرہ چینل کی رپورٹ کے مطابق کویتی ذرائع ابلاغ نے اطلاع دی ہے کہ اس ملک کے وزیر اعظم نے سرکاری طور پر اپنی حکومت کا استعفیٰ ولی عہد کو پیش کر دیا ہے، رپورٹ کے مطابق کویتی وزیراعظم صباح خالد الصباح نے اپنا اور اپنی کابینہ کے ارکان کا استعفیٰ ولی عہد کو پیش کردیا ہے۔
عربی زبان کے ذرائع نے بتایا کہ کویتی ولی عہد مشعل الاحمد الجابر الصباح استعفیٰ لینے پر رضامند ہو جائیں گے تاہم صباح خالد الصباح کو دوبارہ کابینہ کا رکن مقرر کر سکتے ہیں، قابل ذکر ہے کہ صباح خالد الصباح کی سربراہی میں کویتی حکومت نے اس سے قبل ایک بار استعفیٰ دے دیا تھا تاہم تقریباً 3 ماہ قبل کویت کے امیر کی جانب سے جاری کردہ ایک فرمان کے ذریعے خالد الصباح کو دوبارہ کابینہ کی تشکیل کے لیے مقرر کیا گیا۔
