شمالی کوریا کے800000 افراد امریکہ کے ساتھ جنگ کے لیے تیار

?️ 18 مارچ 2023

سچ خبریں:شمالی کوریا کا دعویٰ ہے کہ اس ملک کے تقریباً 800000 شہریوں نے امریکہ کے خلاف جنگ کے لیے اپنا نام لکھوایا ہے۔

روئٹرز نیوز ایجنسی کی رپورٹ کے مطابق شمالی کوریا کے سرکاری اخبار نے ہفتے کے روز اطلاع دی ہے کہ اس ملک کے تقریباً 800000 شہریوں نے رضاکارانہ طور پر امریکہ کے خلاف لڑنے کے لیے فوج میں شمولیت کے لیے اندراج کرایا ہے۔

اس سلسلے میں شمالی کوریا کے سرکاری اخبار نے اطلاع دی ہے کہ ان 800000 افراد میں طلباء اور کارکنان شامل ہیں جن کی رجسٹریشن کے یہ اعداد و شمار صرف ایک دن کے ہیں جبکہ توقع ہے کہ شمالی کوریا میں امریکہ کے ساتھ جنگ میں جانے کے خواہشمند اور بھی بہت سے لوگ ہیں۔

یاد رہے کہ شمالی کوریا کا یہ دعویٰ اس وقت سامنے آیا ہے جب اس نے جمعرات کو اپنے Hwasong-17 بین البراعظمی بیلسٹک میزائل CBM کو امریکہ اور جنوبی کوریا کی جاری فوجی مشقوں کے جواب میں لانچ کیا تھا۔شمالی کوریا نے جمعرات کو ایک ICBM بین جزیرہ نما میزائل سمندر میں فائر کیا جبکہ اس سے چند گھنٹے قبل جب جنوبی کوریا کے صدر جوہری ہتھیاروں سے لیس شمالی کوریا کا مقابلہ کرنے کے طریقوں پر بات چیت کے لیے ٹوکیو روانہ ہوئے تھے، اس لانچ کی سیول، واشنگٹن اور ٹوکیو کی حکومتوں نے مذمت کی تھی۔

یاد رہے کہ جنوبی کوریا اور امریکہ کی افواج نے پیر کے روز فریڈم شیلڈ 23 کے نام سے اپنی 11 روزہ مشترکہ مشقوں کا آغاز کیا، اس فوجی مشق کا حجم اور وسعت 2017 کے بعد سے بے مثال ہے، کہا جا رہا ہے کہ یہ مشق شمالی کوریا کا مقابلہ کرنے کے لیے کی جائے گی۔

دوسری جانب پینٹاگون کے ترجمان پیٹ رائڈر نے شمالی کوریا کے جوہری تجربات سے متعلق خدشات کا اظہار کرتے ہوئے دعویٰ کیا کہ جوہری ہتھیاروں کے کسی بھی استعمال کا مطلب پیونگ یانگ حکومت کا خاتمہ ہوگا۔

رائڈر نے ایک پریس کانفرنس میں کہا کہ میرے خیال میں ہم نے یہ بات بالکل واضح کر دی ہے کہ پیانگ یانگ کے جوہری ہتھیاروں کے استعمال کا مطلب شمالی کوریا کی حکومت کا خاتمہ ہو گا۔