کورونا ختم نہیں ہونے والا:عالمی ادارۂ صحت

🗓️ 14 جولائی 2022

سچ خبریں:دنیا بھر میں ایک بار پھر کورونا کے بڑھتے کیسز پر عالمی ادارۂ صحت نے تشویش کا اظہار کرتے ہوئے کہا کہ کورونا اتنا جلدی ختم نہیں ہونے والا۔
عالمی ادارۂ صحت (ڈبلیو ایچ او) کے سربراہ ٹیدروس نے کہا کہ دنیا بھر میں بڑھتے کورونا کیسز کی لہر اس بات کا ثبوت ہے کہ کووڈ نائنٹین کی وبا کا خاتمہ قریب نہیں ہے، اُدھر وائٹ ہاؤس نے کورونا کے نئے ویریئنٹ بی اے 5 سے نمٹنے کیلیے بوسٹر ڈوز دینے اور چانج کروانے کی نئی مہم شروع کرنے کا اعلان کردیا۔

چین میں کورونا کیسز سامنے آنے پر شہر "وگانگ” میں تین دن کا لاک ڈاؤن لگا دیا گیا ہے جس کے تحت صرف ایمرجنسی کی صورت میں لوگوں کو گھر سے نکلنے کی اجازت ہوگی۔

درایں اثنا پاکستان اور ہندوستان میں بھی ایک بار پھر کورونا وائرس کے مثبت کیسز میں اضافہ ہوا ہے، پاکستان میں کورونا وائرس کے مثبت کیسز کی شرح 5 فیصد سے تجاوز کرگئی جبکہ ہندوستان میں کورونا وائرس وبا کے بڑھتے ہوئے معاملات کے درمیان 330 فعال معاملے بڑھ کر ایک لاکھ 31 ہزار 43 ہو گئے ہیں، یاد رہے کہ اس وبا کے پھیلاؤ کو لے عالمی سطح پر ایک بار پھر تشویش پیدا ہو گئی ہے جبکہ چین کے ساتھ ساتھ بہت سارے ممالک بھی احتیاطی تدابیر اپنانے کی سوچ رہے ہیں۔