پوپ فرانسس کے بحرینی بادشاہ سے مطالبے

🗓️ 5 نومبر 2022

سچ خبریں:پوپ فرانسس نے بحرین کے اپنے پہلے دورے پر اس ملک پہنچنے کے بعد انسانی حقوق اور مذہبی آزادی کے احترام نیز خلیج فارس کے علاقے میں لاکھوں مزدوروں کے حالات زندگی کو بہتر بنانے پر زور دیا۔

رشیا ٹوڈے کی رپورٹ کے مطابق اپنے پہلے دورے پر بحرین پہنچنے کے بعد پوپ فرانسس نے انسانی حقوق اور مذہبی آزادی کے احترام نیز خلیج فارس کے علاقے میں لاکھوں مزدوروں کے حالات زندگی کو بہتر بنانے پر زور دیا۔

رپورٹ کے مطابق پوپ نے بحرین کے بادشاہ حمد بن عیسیٰ آل خلیفہ اور اس ملک کے اعلیٰ حکام سے ملاقات میں بحرینی آئین میں احترام، رواداری اور مذہبی آزادی کے بارے میں بات کی۔

انہوں نے کہا کہ یہ وہ وعدے ہیں جن پر تسلسل کے ساتھ عمل کیا جانا چاہیے تاکہ مذہبی آزادی مکمل ہو اور صرف عبادت کی آزادی تک محدود نہ ہو نیز تمام گروہوں اور افراد کو بلا امتیاز اور بنیادی انسانی حقوق کے وقار اور مساوی مواقع کے ساتھ پہچانا جائے۔

پوپ نے مزید کہا کہ میں سب سے پہلے زندگی کے حق کے بارے میں سوچتا ہوں کیونکہ اسے ہمیشہ مدنظر رکھنا چاہیے یہاں تک کہ جب بعض افراد کو سزا دی جائے تب بھی ان کی زندگیوں کو بھی تباہ نہ کیا جائے، انہوں نے ہر علاقے اور جگہ کے لوگوں کے لیے محفوظ اور مہذب حالات کا بھی مطالبہ کیا۔

اسی دوران بحرین کی جمعیت الوفاق تنظیم نے پوپ فرانسس کے اس ملک کے دورے کے موقع پر ایک بیان شائع کرتے ہوئے پوپ کے اس دورے کو آل خلیفہ حکومت کے غلط استعمال کیے جانے کے امکان پر زور دیا اور کہا کہ بحرین میں حکومت لوگوں کی منتخب کردہ نہیں ہے۔