ٹرمپ کی جانب سے الجولانی کی حمایت میں تحریری پیغام ارسال

?️ 4 دسمبر 2025

ٹرمپ کی جانب سے الجولانی کی حمایت میں تحریری پیغام ارسال

شام کی عبوری حکومت کے سربراہ احمد الشرع المعروف ابو محمد الجولانی کو امریکی صدر ڈونلڈ ٹرمپ کی جانب سے ایک تحریری پیغام موصول ہوا ہے، جس میں واشنگٹن کی جانب سے ان کی قیادت کی حمایت کا اظہار کیا گیا ہے۔

رپورٹ کے مطابق، شامی ٹیلی ویژن نے بدھ کی صبح رپورٹ کیا کہ یہ پیغام ٹام باراک، امریکہ کے خصوصی ایلچی برائے شام، نے دمشق میں احمد الشرع کو پہنچایا۔ پیغام میں لکھا تھا:آپ ایک عظیم رہنما بنیں گے اور امریکا اس راستے میں آپ کی مدد کرے گا۔

شامی سرکاری خبر رساں ایجنسی سانا نے بھی اطلاع دی ہے کہ احمد الشرع نے دمشق میں امریکی ایلچی ٹام باراک سے ملاقات کی، جس میں خطے کی تازہ ترین صورتحال اور باہمی دلچسپی کے امور پر گفتگو ہوئی۔

اس کے علاوہ، ٹیلی ویژن العربی نے بتایا کہ ٹرمپ کا پیغام ایک سابقہ ملاقات کی تصویر پر بھی مشتمل تھا، جو ان دونوں کے درمیان وائٹ ہاؤس، واشنگٹن میں ہوئی تھی۔

ڈونلڈ ٹرمپ کی جانب سے احمد الشرع کی تعریف اور حمایت ایسے وقت میں سامنے آئی ہے جب کہ ابو محمد الجولانی کو امریکا پہلے مطلوب دہشت گردوں کی فہرست میں شامل کر چکا ہے اور ان کی گرفتاری یا ہلاکت پر انعام بھی مقرر کیا گیا تھا۔