واشنگٹن نے نتن یاہو کے ہاتھوں پر پانی پھیر دیا مزاحمتی ہتھیاروں کے حل سے عاجز

?️ 4 دسمبر 2025

واشنگٹن نے نتن یاہو کے ہاتھوں پر پانی پھیر دیا ،مزاحمتی ہتھیاروں کے حل سے عاجز

امریکی میڈیا ذرائع کا کہنا ہے کہ وائٹ ہاؤس، صیہونی وزیر اعظم بنیامین نتن یاہو کے واشنگٹن دورے سے پہلے لبنان، شام اور غزہ میں کشیدگی کو قابو میں رکھنے پر توجہ دے رہا ہے، لیکن ساتھ ہی اس نتیجے پر پہنچ چکا ہے کہ نہ تو وہ مزاحمتی گروہوں کے اسلحے کے مسئلے کا حل پیش کر سکتا ہے اور نہ ہی خطے کے فریقین کو تل ابیب کے مطلوبہ سکیورٹی منصوبوں کو قبول کرنے پر مجبور کرسکتا ہے۔

لبنانی اخبار البناء نے امریکی میڈیا کے حوالے سے رپورٹ دیا کہ امریکہ نتانیاہو کے آئندہ دورہ واشنگٹن کی تیاریاں مکمل کر رہا ہے اور اس دورے کا بنیادی ایجنڈا لبنان، شام اور غزہ کی فرنٹ لائنز پر کشیدگی میں کمی لانا ہے۔

ذرائع کے مطابق امریکی حکومت اس حقیقت تک پہنچ چکی ہے کہ اس کے پاس لبنان اور غزہ میں موجود مزاحمتی گروہوں کے ہتھیاروں کا سیاسی حل موجود نہیں۔ اسی طرح وہ لبنان، شام اور غزہ کو سرحدی علاقوں میں تل ابیب کے پیش کردہ سکیورٹی فریم ورک کو قبول کرنے پر بھی آمادہ نہیں کر سکتا۔

ان ذرائع کا کہنا ہے کہ واشنگٹن کو تشویش ہے کہ بڑھتی ہوئی کشیدگی اس نازک صورتحال کو خراب کر سکتی ہے جو جنگ کے بعد وجود میں آئی ہے۔

البناء کے مطابق امریکی حکومت کو پیش کی گئی تجزیاتی رپورٹس میں خبردار کیا گیا ہے کہ کسی بھی قسم کی کشیدگی میں اضافہ ایسا سلسلہ شروع کر سکتا ہے جو جنگ کو روکنے کے بجائے اسے تیز کرے، اور یہ ایسی صورتحال ہوگی جسے امریکہ وسط مدتی انتخابات سے قبل کنٹرول نہیں کر پائے گا۔

رپورٹ کے مطابق واحد مسئلہ جسے صیہونی حکام پوری سنجیدگی سے واشنگٹن کے سامنے رکھے ہوئے ہیں، وہ بنیامین نتانیاہو کے لیے معافی حاصل کرنے کی کوشش ہے۔ ذرائع کا کہنا ہے کہ امریکی حکام کی مشاورت کے بعد نتانیاہو نے باضابطہ طور پر معافی کی درخواست جمع کروا دی ہے، اور یہ معاملہ وائٹ ہاؤس کے ساتھ ہونے والی خفیہ گفت و شنید کا ایک اہم حصہ ہوگا۔

اس سے قبل میڈیا رپورٹس میں کہا گیا تھا کہ نتانیاہو ممکنہ طور پر ۲۸ دسمبر کو امریکہ کا دورہ کریں گے۔ یہ ٹرمپ کی صدارت کے دوران ان کا امریکہ کا پانچواں دورہ ہوگا—ایک ایسا سفر جو ماہرین کے مطابق خطے کی حساس فوجی و سیاسی صورتِ حال پر گہرا اثر ڈال سکتا ہے۔